Дасгал хөдөлгөөн нь СОГТУУРУУЛАХ УНДААНААС ҮҮДЭЛТЭЙ хорт хавдрын эрсдлийг бууруулах ач холбогдолтой

Дасгал хөдөлгөөн тогтмол хийх нь согтууруулах ундаанаас үүдэлтэй үхлийн хорт хавдар тусах эрсдлийг бууруулах ач холбогдолтой байдаг ажээ.

Согтууруулах ундаа нь хүний сэтгэцэд нөлөөлдөг, хэрэглээ өндөртэй мансууруулах бодис бөгөөд бусад мансууруулах бодисоос ялгагдах зүйлгүй боловч нийгэмд хүлээн зөвшөөрөгдсөн байдаг.

АНУ-ын Эрүүл мэндийн судлаачид 1990-2000 оны үед 40-өөс дээш насны эрэгтэй, эмэгтэй нийт 36,000 хүний дунд хийсэн судалгаан дээр үндэслэн дүгнэлт хийжээ.

Судлаачид тус судалгаанд оролцогчдыг:

• Согтууруулах ундаа огт хэрэглэдэггүй
• Өмнө нь хэрэглэж байсан
• Тохиолдлын журмаар хэрэглэдэг
• Хэрэглэдэг боловч их биш /Эмэгтэйчүүд долоо хоногт 8-14 нэгж, эрэгтэйчүүд долоо хоногт 12-21 нэгж/
• Аюултай хэмжээгээр хэрэглэдэг /Эмэгтэйчүүд долоо хоногт 14-35 нэгж, эрэгтэйчүүд долоо хоногт 21-49 нэгж/
• Хортой хэмжээгээр хэрэглэдэг /Аюултай хэмжээнд тохирох нэгжээс дээш/ гэж хувааж авч үзсэн байна.

Жич: Нэг лонх шар айраг 3 нэгжтэй тэнцэнэ.

 

Мөн судлаачид согтууруулах ундаа хэрэглэдэг боловч долоо хоног бүр дасгал хөдөлгөөн хийж, биедээ ачаалал өгч, бодисын солилцоогоо идэвхтэй байлгадаг хүмүүсийг нэг бүлэг болгон авч үзсэн байна.

Судалгааны үр дүнг танилцуулъя. /Үр дүнг тооцохдоо судалгаанд оролцогчдын нас, хүйс, жин, нийгмийн гарал, тамхи татдаг эсэх болон бусад өвчин эмгэг зэрэг хүчин зүйлсийг харгалзан үзжээ/

Согтууруулах ундаа хэрэглэдэг хүмүүсийг огт хэрэглэдэггүй хүмүүстэй харьцуулахад нас барах эрсдэл:

Согтууруулах ундаа хэрэглэдэг мөртлөө долоо хоногт 7.5 хэмжээний бодисын солилцоо явуулдаг хүмүүсийг огт согтууруулах ундаа хэрэглэдэггүй хүмүүстэй харьцуулахад нас барах эрсдэл:

Согтууруулах ундаа хэрэглэдэг мөртлөө долоо хоногт 15 хэмжээний бодисын солилцоо явуулдаг хүмүүсийг огт согтууруулах ундаа хэрэглэдэггүй хүмүүстэй харьцуулахад нас барах эрсдэл:

Жич: Хортой хэмжээгээр хэрэглэдэг хүмүүс дасгал хөдөлгөөн хийж, бодисын солилцоогоо сайн байлгасан ч нас барах магадлал их хэвээр байсан аж.

 

Судалгааны үр дүнгээс харахад дасгал хөдөлгөөн хийх нь дархлааг сайжруулахад нөлөө үзүүлдэг бөгөөд согтууруулах ундааны сөрөг нөлөөнөөс сэргийлэх нэг арга болдог байна.

Насанд хүрэгчдийн бодисын солилцооны хэмжээ ба дасгал хөдөлгөөн:

Энэхүү судалгаа нь мэдээж зөвхөн согтууруулах ундаа хэрэглэдэг хүмүүст хамаатай асуудал биш юм. Дасгал хөдөлгөөн тогтмол хийж байх нь ямар ч хүнийг эрүүл чийрэг, аз жаргалтай байхад нөлөөлж, үр бүтээлтэй, урт хугацаанд идэвхтэй амьдрахад тустай байдаг аж.

Тиймээс судлаачид хөдөлгөөн хийдэггүй хүмүүст одооноос эхлэн долоо хоног бүр 10 минут алхаж, өдөрт 30 минутыг чийрэгжүүлэх төвд өнгөрөөхийг зөвлөж байна. 

Эх сурвалж: Reuters