Зуслангийн газар өмчлөлийн бүртгэл АРАВДУГААР сарыг дуустал явагдана
Иргэдийн зуслангийн зориулалтаар эзэмшиж байгаа Сүхбаатар, Чингэлтэй дүүргүүд дэх 26 байршилд /аманд/ зуслангийн газрыг өмчлүүлэх цахим бүртгэл энэ сарын 8-нд эхэлсэн.
Энэ удаагийн өмчлөлөөр нийт 18,216 нэгж талбарыг өмчлүүлэх юм. Иргэдийн зуслангийн зориулалтаар эзэмшиж буй газраа өмчлөх хүсэлтийг цахим хэлбэрээр хүлээн авч, анхан шатны хариуг өгнө.
Хүсэлт гаргах иргэн нь www.land.ulaanbaatar.mn сайтаар дамжуулан зуслангийн газраа өмчлөх өргөдөлөө гаргана. Бүртгэл энэ оны аравдугаар сарыг дуустал явагдана.
Тухайн шаардлага бүрэн хангасан тохиолдолд холбогдох материалыг Сүхбаатар, Чингэлтэй дүүргүүдийн Өмч, газрын харилцааны албадад хүргүүлснээр газар өмчлөлийн асуудлаа шийдвэрлүүлэх боломжтой юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Зуслангийн газар өмчлөх боломжтой батлагдсан 26 байршил:
Сүхбаатар дүүрэгт:
- Ар хустай,
- Цолмон,
- Цээнэ,
- Бэлхийн даваат,
- Бэлхийн мааньт,
- Гоодой,
- Баянбулаг,
- Бэлхийн хадат,
- Бэлх,
- Бэлхийн цуурайт,
- Хандгайт,
- Хандгайтын богино,
- Хуурай мухар,
- Майхан толгой,
- Санзай,
- Сэлбэ,
- Сэлх,
- Шарга морьт,
- Зуун мод
Чингэлтэй дүүрэгт:
- Жигжид,
- Яргайт,
- Ар согоот,
- Гүнт,
- Ойн булаг,
- Шадивлан,
- Яргайтын богино
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
