Улаанбаатар хотын ДЦС-4 Японы Жайка Олон улсын хамтын ажиллагааны байгууллага хамтарсан "Үр ашгийг дээшлүүлэх төсөл"-ийн ажиллагааг эхлүүлэх гэрээнд гарын үсэг зурах ёслол өнөөдөр Шангри-Ла зочид буудалд боллоо.
Тус ёслолын арга хэмжээнд Эрчим хүчний яамны төрийн нарийн бичгийн дарга Д.Дэлгэрцогт, ДЦС-4-ийн Гүйцэтгэх захирал Ж.Осгонбаатар, Япон улсаас Монгол Улсад суугаа Элчин сайд Такэнори Шимизү, ЖАЙКА-ийн Монгол дахь Төлөөлөгчийн газрын дарга Сато Мүцүми, төслийн ажлыг хариуцсан компаниудын төлөөлөл болон холбогдох хүмүүс оролцлоо.
Төслийн хүрээнд хоёр багц ажлыг хэрэгжүүлэх бөгөөд эхний багц ажлыг Японы Yokogawa компани, хоёр дахь багц ажилд Японы MНPS компани хариуцаж ажиллахаар болжээ.
Төслийн хэрэгжих хугацаа: 2018 он дуустал
Төслийн өртөг: 4.2 тэрбум иен.
ДЦС-4-ийн Тэргүүн дэд захирал М.Амарбаясгалан "4-р цахилгаан станц бол МУ-ын цахилгаан эрчим хүчний хэрэглээний 70 хувь, УБ-хотын дулааны эрчим хүчний хэрэглээний 65 хувийг нийлүүлдэг бөгөөд эрчим хүчний салбартаа тэргүүлэх үйлдвэр юм.
Энэ нь манай улсын эрчим хүчний салбарын хүнд үед оруулсан үнэ цэнэтэй, хөгжил дэвшил авчирсан, хөрөнгө оруулалт байсан гэдгийг хэлэхэд таатай байна.
Бид төслөө амжилттай хэрэгжүүлэхийн тулд бүхий л чадлаараа хичээх болно"
ЖАЙКА-ийн Монгол дахь Төлөөлөгчийн газрын дарга Сато Мүцүми "Энэ удаагийн иенийн хөнгөлөлттэй зээлээр хэрэгжих ДЦС-4 дээр хэрэгжих төслийн гэрээнд гарын үсэг зурах ёслолын үйл ажиллагаанд хүрэлцэн ирсэн зочид, төлөөлөгчдөдөө манай байгууллагын зүгээс талархал илэрхийлж байна"
Эрчим хүчний яамны төрийн нарийн бичгийн дарга Д.Дэлгэрцогт "Энэхүү төслийг хэрэгжүүлэх гэрээг хэрэгжүүлэх гэж буйд та бүхэндээ талархаж байна.
Хоёр улсын эрчим хүчний салбарын хамтын ажиллагааны хувьд томоохон онцлох үйл явдал болж байна.
Япон улс нь манай улсын шилжилтийн үеүдэд буюу 1990-ээд оны үеэр эрчим хүчний салбарын үйлдвэр компаниудад томоохон хөрөнгө оруулалтыг хийж төсөл хөтөлбөрүүд хэрэгжүүлсэн нь манай улсын эрчим хүчний салбарын тогтвортой, найдвартай хангамжийг бүрдүүлэхэд чухал дэмжлэг үзүүлж байсан.
Монгол Япон хоёр улсын эрчим хүчний салбарын хамтын ажиллагааны хүрээнд ДЦС-4-ТӨХК-д хэрэгжүүлж байсан төсөл хөтөлбөрүүд:
Дээрх төслүүдийн хүрээнд хийгдсэн станцын техник, технологийн шинэчлэлт нь одоог хүртэл тус станцын тогтвортой, найдвартай ажиллагааг хангахад чухал үүргийг гүйцэтгэж байна.
Одоо эхэлж байгаа гуравдугаар ээлжийн 4.2 тэрбум иенийн зээлийн хөрөнгөөр хэрэгжих төсөл ихээхэн үр дүнтэй болно гэдэгт найдаж байна" гэлээ.