Барилгачин А.Отгонбаяр шагналаа авсангүй

"Сайдын 100 өдөр" нээлттэй өдөрлөг Барилга хөгжлийн төвд өнөөдөр зохион байгуулагдаж байна.

Уг өдөрлөгт Барилга Хот Байгуулалтын сайд З.Баянсэлэнгэ 100 хоногийн хугацаанд хийсэн ажлаа тайлагнаж байгаа юм. Тэрбээр хийсэн бүтээснээ тайлагнахын зэрэгцээ "Авьяаслаг Монголчууд" шоуны оролцогч А.Отгонбаярт Тэргүүний барилгачин цол тэмдэг олгох гэж буйгаа хэвлэл мэдээллийн хэрэгслээр дамжуулан зарласан.

Гэтэл өдөрлөгийн хөтөлбөрийн дагуу барилгачин залуу А.Отгонбаярт цол тэмдэг гардуулах болсон ч тэрбээр "олдсонгүй". Энэ талаар тус яамны ажилтнаас тодруулахад "А.Отгонбаяр уг нь ирсэн байсан ч шагнал гардуулах үеэр алга болчихлоо. Яагаад шагналаа аваагүйг мэдэхгүй байна" гэв. 

Ямартай ч даруухан барилгачин залуу Тэргүүний барилгачин цол тэмдэгээ гардаж авалгүй алга болжээ.