“Хавтаст Хэрэг 2” цувралын бүх ангийг нэг дор үзэх боломжтой боллоо

2022 онд эхний бүлэг нь гарсан даруйдаа үзэгчдийн сонирхлыг ихээр татаж, нийгмийн сүлжээнд хэлэлцүүлэг өрнүүлж чадсан кино бол “Хавтаст Хэрэг” гэмт хэрэг төрлийн цуврал байсныг үзэгч та санаж байгаа байх. Тэгвэл 2024 онд тус цувралын 2-р бүлэг нь гарч, бүх ангийг Юнивишнийн Монгол багц, LookTV-ийн Nomadia Originals цэсээс үзэх боломжтой болжээ.

 

Энэ цувралын хамгийн сэтгэл сэртхийлгэм зүйл бол кинон дээр гарч байгаа бүх гэмт хэргүүд нь Монгол улсад болж өнгөрсөн бодит хэргүүд байдаг байна. 1-р бүлэг нь нийт 16 анги, 2-р бүлэг нь мөн адил 16 ангитай болохоор нийт 32 Монголд тохиолдсон бодит хэргийн түүх, хэргийн учир зангилааг үзэх боломжтой аж.

 

Киноны гол дүр болох хошууч Тулга бол тусгай багийн ахлагч. Ээдрээт хэргүүдийн зангилааг олон жилийн туршлага, онцгой ур чадвараараа тайлдаг Тулга хошуучийн дүрд МУГЖ С.Болд-Эрдэнэ тогложээ.

 

Дараагийн гол дүр болох ахлах дэслэгч Мандах бол хакер суурьтай мөрдөгч аж. Түүний дүрд дуучин Jason буюу Б.Баяржавхлан тогложээ.

 

2-р бүлэгт цоо шинэ нэгэн дүр орж ирсэн нь өмнөх бүлгийн үзэгчдийг сонирхлыг ихээхэн татаж, тус дүрд жүжигчний гараагаа эхлүүлээд байгаа Б.Хулан тоглосон байна.

 

Үүнээс гадна Хавтаст Хэрэг цувралын 2-р бүлгийн зураг авалт хагас жил үргэлжилж, нийт 400 гаруй уран бүтээлчид хамтран ажиллажээ.

 

Дараагийн ангийг эхлүүлэх нэг шалтгаан бол цагдаагийн албан хаагчид бодит байдалд хэрхэн ажиллаж, шүүх шинжилгээнийхэн шинжилгээний дүгнэлтээ юун дээр үндэслэн дүгнэн гаргадаг зэрэг бидний огт мэддэггүй арын ажиллагаануудыг өөр өөр хэргүүд дээр харуулдаг явдал.

 

Хэрэг болгон үзэгчдэд нэгийг ойлгуулж, хоёрыг тунгаалгадаг тул “Хавтаст Хэрэг” цувралыг үзсэнээр ирээдүйд тулгарч магадгүй эрсдэлтэй үйл явдлаас хэрхэн сэргийлэх, ямар арга хэмжээ авч болох талаар энгийн иргэд суралцах боломжтой юм.

 

Энгийн иргэд тэр бүр мэдээд байдаггүй цагдаа хүний ээдрээт амьдрал, давах ёстой хүндхэн өдрүүдийг тодхон харах боломж олгосон нь үзэгчдэд тэднийг ойлгоход тус дөхөм болж чаджээ.

 

Та хайртай хүмүүсээ хайрлан хамгаалах, ирээдүйд учирч болзошгүй аюулаас урьдчилан сэргийлэхийг хүсвэл энэ цувралыг заавал үзэхийг санал болгож байна. Цувралаа та телевизор дээрээ үзэхийг хүсвэл Юнивишнийн Монгол багц, харин утас болон компьютер дээрээ үзэхийг хүсвэл LookTV-ийн Nomadia Originals цэсээс үзээрэй.

Харин гэмт хэргийн киноноос өөр төрлийн киног илүүтэй сонирхдог бол яг одоо шинээр гарч байгаа “Амьдрах сайхан” цувралыг та сонирхоорой. Тус цувралд гэр бүлд нь хагацал тохиож, ах нарынх нь амьдралын бүтэлгүйтэл, аавынх нь биеийн байдал зэрэг олон сорилттой тулгардаг Бөрт бүсгүй түүхийг харуулдаг.

 

Энэхүү бүтээл нь зохиолч А Ная-н “Бүх зүйл сайхан” өгүүллэгээс сэдэвлэсэн бөгөөд МУГЖ С.Лхагвасүрэн зэрэг олон жүжигчид дүр бүтээсэн байна. Та энэхүү цувралыг мөн адил телевизор дээрээ үзэхийг хүсвэл Юнивишнийн Монгол багц, харин утас болон компьютер дээрээ үзэхийг хүсвэл LookTV-ийн Nomadia Originals цэсээс үзэх боломжтой.

 

Ганцаараа үлдсэн өндөр настанд тохиолдох асуудлууд, эцэг эхийн өгсөн буруу суурь хүмүүжлийн уршгаас болоод төвөгтэй харилцаатай болсон ах дүүс гэх мэт бидний амьдралд тохиолддог олон сэдвийг хөндсөн тус цувралын шинэ ангиуд Даваа гараг бүр нэмэгддэг юм байна шүү.