Мажор лигийн зүүн бүсийг Нью Иорк Ред Булл тэргүүлж байна

Нэгдсэн Улсын хөлбөмбөгийн лиг сүүлийн жилүүдэд хүчээ авч байгаа билээ.

Оддын чуулган Дэвид Бекхэмээс эхлэлтэй бөгөөд түүнээс хойш Оддын цуваа тасралтгүй үргэлжилсээр байгаа юм.

Өдгөө Мажор лигт Стивен Жерард, Дидье Дрогба, Давид Вилья, Кака, Жиовинко, Андрей Пирло, Робби Кийн, Ж.Дос Сантос зэрэг шилдгүүд тоглож байгаа юм.

 

Өнгөрсөн тойрогт олон сонирхолтой тоглолт явагдсан бөгөөд Хамгийн сонирхолтой тоглолтоор оддын цуглуулга ЛА Галакси, Сеатль Сондерс багуудын тоглолт нэрлэгдлээ.

Сеатль-д Обафэми Мартинс, Клинт Дэмпси тэргүүтэй шилдгүүд тоглодог бол ЛА-д Стивен Жерард, Ж.Дос Сантос, Жуниньо зэрэг Европд нэрээ дурсгасан тоглогчид тоглодог юм.

Тоглолт сонирхолтой өрсөлдөөнтэй үргэлжилсэн бөгөөд үндсэн цаг 1-1 харьцаатай тэнцээгээр өндөрлөсөн байна.

Тоглолтын эхний үед эзэн багаас Робби Кийн гоолын салхийг хагалсан бөгөөд тэнцээний бөмбөгийг үндсэн цагийн шүүгчийн мэдлийн минутад Чад Баррет оруулсан байна.

 

Мажор лигийн зүүн бүсийг Нью Иорк Ред Булл 51 оноотой тэргүүлж байгаа бол баруун бүсийг ЛА Галакси мөн 51 оноотой тэргүүлж байна.