Хип Хоп холбооны ерөнхийлөгч Баавар хар тамхины хэрэгт дахин холбогджээ
Хип Хоп холбооны ерөнхийлөгч, Дижитал хамтлагийн гишүүн Ш.Батбаяр буюу Баавар ахин хар тамхины хэрэгт холбогджээ.
Энэ талаар ЦЕГ-ын Хэвлэл, олон нийттэй харилцах албаны ажилтан, Цагдаагийн ахмад Ё.Лхагвасүрэнгээс лавлахад хар тамхины хэргээр баривчлагдсан нь үнэн гэв.
Түүний хэрэг дүүргийн эрүүгийн хэргийн анхан шатны нэгдүгээр шүүхэд шилжсэн аж. Шүүх хурал энэ сарын 14-нд болох бөгөөд Эрүүгийн хуулийн 192.1, 230.1 зүйл заалтаар шүүгдэх юм байна. Мөн түүнтэй хамт Д.Манлайжаргал, М.Бадрал нарыг шүүнэ.
Ш.Батбаяр 2013 онд хар тамхи мансууруулах бодис хэрэглэсэн, гэртээ хадгалсан хэрэгт холбогдож байсан билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
