ХУУЧИРСАН МЭДЭЭ: 2015/04/30-НД НИЙТЛЭГДСЭН
Борооны тухай ЭШЛЭЛҮҮД
iKon.MN
Яг одоо гараад алхвал таныг цэвэр агаар, борооны чимээ, өнгөө засаж буй гудамж угтах болно. Бороо, цас, салхи гэдэг ямар ч орчуулгагүйгээр хүн бүрт өөр өөр эсвэл ижил мэдрэмж төрүүлдэг увидастай. Тиймээс чийг үнэртэж, зөөлөн бороо дусалсан энэ өглөө танд борооны тухай алдартнуудын хэлсэн эшлэлийг хүргэж байна. Бороо танд гуниг, баяслын алийг нь ч төрүүлдэг бай цаг агаарын нөхцөл байдлыг өөртөө ашигтайгаар мэдрээрэй.
Амьдрал тэр чигтээ гоо үзэсгэлэн. Анзаараарай. Жижигхэн хүүхэд, инээмсэглэж буй хүн, борооны үнэр, салхийг мэдэр. Амьдралдаа байгаа сайхан зүйлсийг бүгдийг нь ашиглаж мөрөөдөлтэйгээ тэмц. Эшли Смит
Зарим хүмүүс бороонд алхдаг бол зарим нь зүгээр л нордог. Рожер Миллер
Бороо орохгүй бол хэзээ ч солонго татахгүй. Гилберт К.Честертон
Байгалиас гардаг гурван гайхалтай чимээ бий. Борооны чимээ, салхи модод сэрчигнүүлэх чимээ, далайн ус давалгаалах чимээ. Хэнри Бестон
Ямар ч ширүүн бороо нэг л дуслаас эхэлнэ. Манал ал-Шариф
Яруу найраг гэдэг бол бороо орж байхад гадаа зогсож буй нэгэн аянгын гэрлийг хүлээхтэй ижил юм. Жэймс Дикей
Яагаад гэдгийг мэдэхгүй ч бороо над дээр дусах тэр агшинд би хүүхэд насныхаа тухай бодож эхэлдэг. Дануш
Би бороонд уйлах дуртай. Учир нь хэн ч миний уйлж байгааг мэдэхгүй. Чарли Чаплин
Бороотой өдөр гэдэг модонд алхахад хамгийн төгс цаг үе юм. Рэйчел Карсон
Борооны чимээнд орчуулга хэрэггүй. Алан Уаттс
Санаа зовох гэдэг бол утгагүй зүйл. Яг л бороо орохоос өмнө шүхэр барин алхахтай ижил. Виз Халифа
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
