ФОТО: М.Намуун тивийн тэмцээний хүрэл медалийн болзол хангалаа
Монголд сонирхогчдын боксын тивийн аварга шалгаруулах тэмцээн болж байна.
Тэмцээний тав дахь өдрөөс шөвгийн наймын тулаанууд эхэллээ. Тодруулбал ялсан нь хүрэл медалийн болзол хангаж хагас шигшээд өрсөлдөх эрхтэй болох юм.
Өнөөдөр эмэгтэйчүүдийн 51 кг-ын жинд Б.Мөнгөнсаран, 60 кг-ын жинд М.Намуун, эрэгтэйчүүдийн 70 кг-ын жинд О.Бямба-Эрдэнэ нар тулалдсан юм. Тэднээс М.Намуун Узбекистаны боксчин Муштарябону Иброхимжоноваг ялснаар хагас шигшээд шалгарлаа.
Харин Б.Мөнгөнсаран, О.Бямба-Эрдэнэ нар өрсөлдөгчдөө ялагдсанаар энэ удаагийн тэмцээнээ өндөрлүүлж байна.
Үргэлжлүүлээд эмэгтэйчүүдийн 54 кг-ын жинд М.Энхжаргал Энэтхэгийн Преетитэй, эрэгтэйчүүдийн 55 кг-ын жинд Х.Билгүүнсайхан Туркменистаны Мэйрс Шадурдьявтай тулалдах юм.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
