Байхгүй хувьцааг байлгаж тоглоод байна уу?
Засгийн газраас өргөн мэдүүлсэн Таван Толгойн тогтоолын төслийг УИХ-аар хэлэлцэх боломжгүй хэмээн буцаасан. Ингэсэн шалтгааныг УИХ-ын дарга З.Энхболд тайлбарлахдаа “Эрдэнэс Таван Толгой”-н 1,072 хувьцааг эзэмшиж буй хоёр сая иргэнээс асуугаагүй учраас...гэсэн.
Засгийн газар хуралдаанаараа өмнө нь 1,072 хувьцаагаа худалдах хүсэлт гаргасан иргэдийн хувьцааг буцаан олгохоор шийдлээ. Эх орны хишиг гэгдэх 1,072 хувьцаа төр засгийн төвшинд цаасан дээр “эргэлтэд” орсоор байна.
Мэргэжилтнүүдийн шивэр авир мэдээллээс хэний ч халаасанд байхгүй гэдгийг мэдэж болно. Үнэт цаасны төлбөр тооцоо төвлөрсөн хадгаламжийн төвийн “Та нэрийн дансаа нээлгээгүй байна” гэдэг хариулт “Байхгүй" гэдэгтэй адил сонстоно.
Мөн брокер, дилерийн компанийнхан ч хэлдэг юм. Тиймээс УИХ-аа Таван Толгойн төслийг буцаасан, Засгийн газар иргэдийн хувьцаагаар наадаад буцаад олгосон зэрэг нь байхгүй хувьцаагаар наадаад байгаа эрх баригчдын шоу гэж харагдаад байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
