“2030 он гэхэд Улаанбаатарт бид ТАВАН сая жуулчин хүлээн авна гэсэн амбицтай”
“Улаанбаатар хотын хөгжлийн стратеги” салбар хуралдаан Төрийн ордны Их танхимд болж байна.
Хуралдааны модератороор "Ард" санхүүгийн нэгдлийн гүйцэтгэх захирал Ч.Ганхуяг, панелистаар Монголын хөрөнгө оруулалтын сангийн гүйцэтгэх захирал Б.Батсайхан, Азийн Хөгжлийн Банкны суурин төлөөлөгч Роберт Шуллхамер, Азийн сан АНУ-ын ТББ-ын дэд дарга, Деллойт Онч "Монгол" ХХК-ий Ерөнхий захирал Д.Ончинсүрэн нар оролцож байна.
Хуралдааныг нээж Нийслэлийн Засаг дарга бөгөөд Улаанбаатар хотын захирагч Э.Бат-Үүл “Улаанбаатар хотын эдийн засгийн хөгжлийн стратеги” сэдвээр илтгэл тавилаа.
Түүний илтгэлийн онцлох эшлэлүүдээс дурдвал:
- УБ хотыг 2030 он хүртэл хөгжүүлэх ерөнхий төлөвлөгөө УИХ-аар батлагдсан. Хуулийн хэмжээний статустай баримт бичиг болсон.
- Ирээдүйн эдийн засгийн хөгжлийн түлхүүр нь улс орнууд биш хотууд юм.
- Монгол Улсын 50 хувь нь Улаанбаатар хотод байгаа. Бусад улсад ийм хэмжээний хот байхгүй.
- Монгол Улсад өрсөлдөгчгүй байгаа хот бол Улаанбаатар.
- Улаанбаатар хот хоёр дагуул хотоо байгуулах шийдвэр өнөө өглөө гаргалаа. Багануур, Налайхыг дагуул хотоо болгоно.
- 2030 он гэхэд Улаанбаатарт бид ТАВАН сая жуулчин хүлээн авна гэсэн амбицтай төлөвлөгөөтэй явж байна.
- Өнгөрсөн онуудад Улаанбаатар хотын барилга байгууламж хоёр дахин өссөн. Энэ бол хувийн хэвшлийнхний хүч.
- Хөрөнгө оруулагчид урт хугацааны, тогтвортой үйл ажиллагааг нэхдэг.
- Э.Бат-Үүл төсөл хөтөлбөрт хөрөнгө оруулахдаа өөрийнхөө нэг ч төгрөгөөр эрсдлээ хариуцахгүй. Харин хувийн хэвшил бол бүх эрсдлээ өөрөө хариуцдаг.
- Эрсдлээ хүлээгээд, хариуцлагаа үүрдэг тэр хувийн хэвшил манлайлагч нь байя, бид дэмждэг нь байя.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
8 СЭТГЭГДЭЛТЭЙ
|
