Францын Альпад 142 зорчигчтой онгоц осолдлоо
Германы Germanwings компаний Airbus A320 онгоц Францын нутаг дахь Альпын нуруунд осолджээ.
Lufthansa компаний охин компани Germanwings-ын уг онгоц Испаний Барселона хотоос Германы Дюссельдорф хотын чиглэлд 142 зорчигч тээвэрлэж байсан байна.
Мөн нисэх багийн зургаан гишүүн байгаа гэнэ.
Францын ерөнхийлөгч Олланд мэдэгдэлдээ “ослын шалтгаан тодорхой бус байгаа ба зорчигчдоос амьд үлдэх магадлал муу байна” гэжээ.
Ослын газар хүрэхэд маш хүнд байгааг бас дурдсан байна.
Францын дотоод хэргийн сайд Бернар Казенёв ослын газарт биеэр очихоор явжээ.
Эх сурвалж: BBC
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
