Сэм Уолш: "Оюу Толгой"-д эзэмшиж буй хувиа нэмэгдүүлэх сонирхолгүй байгаа

Монгол Улсын Ерөнхий сайд Ч.Сайханбилэг Ашигт малтмалын тухай хуулийг “Стратегийн орд газруудад төр хувь эзэмших эсвэл нэмэлт роялти авах байдлаар” өөрчлөлт оруулах хуулийн төсөл танилцуулсан билээ. 

Тэгвэл "Рио Тинто"-н Гүйцэтгэх захирал Сэм Уолш “Монголын талын "Оюу Толгой"-д эзэмшиж буй 34 хувийг багасгаж оронд нь нэмэлт роялти төлөх саналыг сонирхохгүй байгаа. Би Ерөнхий сайд Ч.Сайханбилэгтэй уулзсан.

Хуулийн өөрчлөлтийн талаар санал солилцсон. Шударгаар хэлэхэд, бид төсөлдөө, хөрөнгө оруулалтдаа бүх анхаарлаа хандуулж байгаа. 

Харин төслийн хувь эзэмшилд санаа зовох ёстой хүмүүс нь анхаарлаа хандуулах ёстой. "Рио Тинто" төслийн 50.1 хувийг эзэмшиж байна. 

Үүндээ баяртай байгаа” гэжээ.

Тэрбээр шийдэл олдоно гэдэгт найдаж байгаагаа хэлээд, хэрэв асуудал шийдэгдвэл далд уурхайн ажлаа энэ оны сүүлээр дахин эхлүүлж болох юм гэжээ.

Мөн “Бид эцсийн саналаа арваннэгдүгээр сард тавьсан. Монгол Улсын ЗГ-тай хэлэлцээр хийж байна. Төсөл урагшилна гэж найдаж байгаа” гэв.

Эх сурвалж: www.reuters.com