Тамирчид хүйтэн заал, тохигүй орчинд бэлтгэл хийж байна
Эрүүл мэнд, спортын дэд сайд Т.Болдбаатар тус яамны харьяа "Спортын бэлтгэлийн төв" буюу Спортын төв ордны үйл ажиллагаатай танилцлаа.
Уг төвд 17 шигшээ багийн тамирчид бэлтгэлээ хангадаг юм байна.
Спортын бэлтгэлийн төвийн захирал Б.Наранбаатар "Энэ жил олимпийн өмнөх жил гэдэг утгаараа тамирчдын хувьд их чухал жил болж байна.
Одоогийн байдлаар паралимпийн хоёр тамирчин л олимпийн эрх аваад байна. Бусад тамирчид маань энэ онд олимпийн эрхийн төлөө тэмцээн уралдаануудад оролцоно.
Ер нь тамирчин хүний хувьд хамгийн ачаалал ихтэй, хариуцлагатай жил олимпийн өмнөх жил байдаг" гэлээ.
"Спортын бэлтгэлийн төв"-ийн зүгээс "Рио-2016 олимпод эрүүл тамирчин амжилт гаргана" гэсэн уриатай ажиллаж байгаа
"Спортын бэлтгэлийн төв"-ийн зүгээс "Рио-2016 олимпод эрүүл тамирчин амжилт гаргана" гэсэн уриатай ажиллаж байгаа ажээ. Тиймээс Спортын анагаах ухааны төвийн тоног төхөөрөмжийг шинэчилж өгөх хүсэлтийг салбарын дэд сайддаа тавьж байлаа.
2008, 2012 оны олимпийн өмнө тус төвд цөөн тооны шинэ тоног төхөөрөмж авч байжээ. Спортын анагаах ухааны төв дараах чиглэлүүдээр үйл ажиллагаагаа явуулж байна.
- Нөхөн сэргээх эмчилгээ
- Биохими /тоног төхөөрөмж хуучирсан/
- Уламжлалт анагаах ухаан
Тиймээс ирэх жилийн олимпод амжилт гаргахын тулд шинжлэх ухааны үндэстэй бэлдэж, хамгийн гол нь эрүүл байх ёстой юм.
Харин эрүүл байж спортын амжилт гаргах ёстой тамирчид халаалт муутай, дулаан алдалт ихтэй хүйтэн зааланд, тохигүй орчинд бэлтгэлээ хангаж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
