Монголын санхүүгийн зах зээл дээрх хамгийн том хамтарсан зээлийн санхүүжилтийг босгожээ
Монгол Улсын "Хөгжлийн банк" 300 сая ам.долларын хэмжээтэй хамтарсан зээлийн санхүүжилтийг амжилттайгаар босгоод байгаа билээ.
Тус зээлийн хөтөлбөрт зохиуцлагчаар Кредит Свисс Банк, БНХАУ-ын Экспорт Импортын Банк, болон Сумитомо Мицуи Банкууд ажилласан байна.
Энэхүү зээлийн хөтөлбөр нь 200 сая ам. доллар бүхий үнийн дүнтэй, зах зээл дээрх хөрөнгө оруулагчдын сонирхлоос шалтгаалан уг 100 сая ам.доллараар нэмэгдүүлэх боломжтой байсан бөгөөд хөрөнгө оруулагчдын сонирхол өндөр байсны улмаас зээлийн дүнг 300 сая ам.доллар хүртэлх өсгөн зээлийн гэрээг байгуулсан талаар Хөгжлийн банкнаас мэдээлжээ.
Энэ нь Монгол Улсын санхүүгийн зах зээл дээрх хамгийн том хамтарсан зээлийн санхүүжилт юм байна.
Энэхүү эх үүсвэр нь МУХБ-ны үндсэн чиг үүрэг болох эдийн засагт үр өгөөжтэй эрчим хүч, дэд бүтэц, үйлдвэрлэл, уул уурхай зэрэг төсөл хөтөлбөрүүдийг санхүүжүүлэхэд зарцуулагдана.
Кредит Свисс банк нь хөгжиж буй орнуудад багагүй хөрөнгө оруулдаг.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
