Өнөөдрөөс цахим гарцаар улсын хил нэвтэрч эхэллээ
Өнгөрсөн аравдугаар сард Иргэний харьяалал, шилжилт хөдөлгөөний ерөнхий газар зорчигчдыг цахим гарцаар улсын хил нэвтрүүлэх төхөөрөмжийг үйлчилгээнд нэвтрүүлж, албан ёсны нээлтээ хийсэн билээ.
Энэхүү цахим гарцаар Монгол Улсад орох, гарах хүчин төгөлдөр баримт бичиг бүхий Монгол Улсын болон манай улсад оршин суух зөвшөөрөл бvхий олон удаагийн визтэй гадаадын иргэн хурууны хээ нүүрний зургийн тоон мэдээллийн тусламжтайгаар улсын хил нэвтрэх юм.
Уг гарцыг үйлчилгээнд нэвтрүүлснээр хил нэвтрэх зорчигчийн бүртгэл, хяналт олон улсын жишигт хүрч, боомтын нэвтрүүлэх хүчин чадал нэмэгдэн, нэг зорчигч дунджаар 14-18 секундыг хилийн шалган нэвтрүүлэх үйл ажиллагаанд зарцуулна.
Зорчигч нь
- өөрийн хурууны хээ,
- цээж зураг,
- гадаад паспорт,
- иргэний үнэмлэх эсвэл оршин суух үнэмлэхний мэдээллийг Иргэний харьяалал, шилжилт хөдөлгөөний ерөнхий газрын Буянт-Ухаа дахь газарт урьдчилан бүртгүүлснээр өнөөдрөөс эхлэн цахим гарцаар улсын хил нэвтрэх боломжтой юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
