Хууль зүйн дэд сайдад Ц.Уугангэрэлийг санал болгожээ
МАХН-ын гүйцэтгэх товчооны хуралдаан өчигдөр болжээ. Уг хуралдаанаар хэд хэдэн асуудлыг хэлэлцсэн байна. Тухайлбал, намынхаа нарийн бичгийн дарга нарыг томилжээ. МАХН-ын нарийн бичгийн даргаар Ц.Шаравдорж, Г.Дугаржав, П.Цогтбаатар нарыг сэлгэн томилсон байна. Үүнээс гадна Хууль зүйн дэд сайдад нэр дэвшүүлэх хүнийг сонгожээ.
Хууль зүйн дэд сайдад Ц.Уугангэрэлийн нэрийг дэвшүүлж, Засгийн газарт санал оруулахаар болсон байна.
Дэд сайдад нэр дэвшсэн хурандаа Ц.Уугангэрэл нь Гаалийн ерөнхий газрын дэд даргын албыг хашиж байжээ.
Хуульзүйн дэд сайдад хэнийг дэвшүүлэх бол гэсэн таамаг сүүлийн өдрүүдэд хөвөрсөөр байсан. Усны гэх тодотголтой З.Батбаярын нэр нэг хэсэг явсан ч эцэстээ Ц.Уугангэрэлийг сонгожээ.
Дашрамд дурьдахад, Хууль зүйн дэд сайд Э.Эрдэнэжамъяныг мөрдөн байцаалтын явцад саад учруулсан хэрэгт буруутган албан тушаалаас нь чөлөөлөх шийдвэрийг гурван шатны шүүхээс гаргасан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
