Оны эхний таван сард 90.7 мянган тонн улаанбуудай импортолсон нь өмнөх жилийн мөн үеэс бараг 36 дахин өссөн дүн болов
2026 оны тавдугаар сард Монгол Улс 4.9 тэрбум ам.долларын бараа үйлчилгээ импортоор авчээ.
Импортоор нийлүүлэгдсэн барааны хамгийн их буюу 23.9 хувийг 1.2 тэрбум ам.доллар үнийн дүн бүхий нефтийн бүтээгдэхүүн эзэлж байна. Импортын 7.9 хувь нь суудлын автомашин бөгөөд дурдсан хугацаанд суудлын 32,588 машин импортолсон нь өнгөрсөн жилийн мөн үеэс 42.1 хувь буурсан дүн гэж Гаалийн Ерөнхий Газраас мэдээлэв.
Гол нэрийн импортын барааны тоо хэмжээнээс дурдвал энэ оны тавдугаар сарын байдлаар 42.4 сая ширхэг өндөг импортолсон нь өмнөх оны мөн үеэс 28.1 хувиар буурсан үзүүлэлттэй байна. Харин 90.7 мянган тонн улаанбуудайн импортолсон нь өнгөрсөн жилийн мөн үеэс 35.7 дахин өссөн дүн болжээ.
Тахиа, гахайны мах, өөхний импорт өссөн хэвээр бөгөөд оны эхний таван сард өмнөх жилийн мөн үеэс 28.3 хувь өссөн үзүүлэлттэй байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
