6 сарын 8, Ням

ХУУЧИРСАН МЭДЭЭ: 2014/08/26-НД НИЙТЛЭГДСЭН

Өнөөдөр барилдсан манай дөрвөн бөх тэмцээнээ дуусгалаа

Б.Дөлгөөн

2014 оны 8 сарын 26

iKon.MN

эрэмбэлэх: шинэ нь эхэнд хуучин нь эхэнд

16:02 2014/08/26

Д.Төмөрхүлэг 4 дэх барилдаанд Хятадын бөх Ма Дуанбинтэй /2013 оны Чиндаогийн Гран Пригийн хүрэл медальт/ барилдан даралтаар цэвэр ялагдлаа.

Ийнхүү өнөөдөр барилдсан манай улсын 4 бөх тэмцээнээ дуусгалаа.

15:49 2014/08/26

А.Цолмон хэсгийн 3 дахь барилдаанаа Хятадын бөх Ма Иньнантай /2014 оны Улаанбаатарын Гран При, Европийн нээлттэй тэмцээний аварга/ барилдаж 2 торгуулийн зөрүүгээр ялагдан тэмцээнээ дуусгалаа.

15:35 2014/08/26

-52кг: М.Бундмаа хэсгийн 3 дахь барилдаанаа 2013 оны дэлхийн аварга Маялинда Кэлмэндитэй барилдаж 3 торгуулиар ялагдан тэмцээнээ дуусгалаа.

15:15 2014/08/26

Д.Төмөрхүлэг хэсгийн 3 дахь барилдаанд Германы бөх Себастиан Сиэдлтэй барилдаж нэг торгуулийн зөрүүгээр ялалт байгууллаа.

Д.Төмөрхүлэг 4 дэх барилдаанд Хятадын бөх Ма Дуанбинтэй /2013 оны Чиндаогийн Гран Пригийн хүрэл медальт/ барилдана. Хятадын бөхийг ялбал D хэсгийн аваргын төлөө барилдах эрхтэй болох юм.

14:58 2014/08/26

А.Батсуурь 4 дэх барилдаанаа Украйны бөх дэлхийн аваргын алт, мөнгө, хүрэл медалт, Европийн аварга, дэлхийн чансааны №5 Григорий Зантариатай барилдаж цэвэр ялагдлаа.

Үүгээр А.Батсуурь дэлхийн аваргыг дуусгаж байна.

14:40 2014/08/26

-52кг: М.Бундмаа хэсгийн 2 дахь барилдаанд Израйлын бөх Рони Шварцтай барилдаж юко үнэлгээр ялалт байгууллаа.

М.Бундмаа дараагийн барилдаанд Маялинда Кэлмэнди /2013 оны дэлхийн аварга/ -тэй барилдана.

Барилдааныг https://www.youtube.com/watch?v=Sm-iFtYnHbw хаягаар ШУУД үзэх боломжтой.

14:32 2014/08/26

А.Цолмон 2 дахь барилдаанд Израйлын бөх Гили Коэнтэй /2014 оны европын аваргын хүрэл медальт/ барилдаж вазари үнэлгээгээр ялалт байгууллаа.

14:28 2014/08/26

-66кг: А.Батсуурь хэсгийн 3 дахь барилдаанд Шинэ Зеландын бөх Алекс Бишоптой барилдаж 1:31 минутанд даралтаар цэвэр яллаа.

А.Батсуурь 4 дэх барилдаанаа Украйны бөх дэлхийн чансааны №5 Григорий Зантариатай барилдана. Зантариаг ялсан тохиолдолд хэсгийн аваргын төлөө барилдах эрхтэй болно.

14:00 2014/08/26

-52кг: ОУХМ М.Бундмаа хэсгийн эхний барилдаандаа гоц мөргөсөн.

2 дахь барилдаанд Израйлын бөх Рони Шварцтай /2014 оны Бакугийн их дуулгын хүрэл медальт/ барилдана.

А.Цолмон 2 дахь барилдаанд мөн Израйлын бөх Гили Коэнтэй /2014 оны европын аваргын хүрэл медальт/ барилдана.

13:39 2014/08/26

-66кг: А.Батсуурь хэсгийн 2 дахь барилдаанд Перу улсын бөх Алонзо Вонгтой барилдаж даралтаар цэвэр яллаа.

Түүний дараагийн өрсөлдөгч Шинэ Зеландын бөх Алекс Бишоп

13:34 2014/08/26

-66кг: Д.Төмөрхүлэг хэсгийн 2 дахь барилдаанаа Канадын бөх Энтони Боучардтай барилдаж вазари үнэлгээгээр ялалт байгууллаа.

Д.Төмөрхүлэг хэсгийн 3 дахь барилдаанд Германы бөх Себастиан Сиэдлтэй /2014 оны 7 сард болсон Улаанбаатар Гран При тэмцээний 7-р байрт шалгарсан/ барилдана.

13:13 2014/08/26

-52кг: Манай тамирчин А.Цолмон хэсгийн эхний барилдаанд Унгарын бөх Барбара Маростай барилдаж нэг торгуулир ялалт байгууллаа.

09:54 2014/08/26

ОХУ-ын Челябинск хотод болж буй жудогийн 2014 оны насанд хүрэгчдийн ДАШТ 2 дахь өдрөө үргэлжилж байна.

Өнөөдөр эмэгтэй -52кг, эрэгтэй -66кг жингийн барилдаанууд явагдах ба манай улсаас тус бүр 2, 2 тамирчин зодоглох юм.

Барилдаан Улаанбаатарын цагаар 13:00 -т эхэлнэ.

-52 кг

Уг жинд дэлхийн 42 хүчтэн зодоглоно.

М.Бундмаа /2010 оны дэлхийн аваргын хүрэл медальтай/ А хэсэгт багтсан ба хэсгийн эхний барилдаандаа гоц мөргөнө. 2 дахь барилдаанд Израйл, Хорватын бөхчүүдийн ялсантай барилдана.
А.Цолмон С хэсэгт багтсан ба хэсгийн эхний барилдаанд Унгарын бөх Марос Барбаратай барилдана.

-66 кг

Уг жинд дэлхийн 65 хүчтэн зодоглоно.

Д.Төмөрхүлэг /-66 кг дэлхийн чансааны 4-т эрэмблэгдсэн/ D хэсгийг тэргүүлэн хэсгийн эхний барилдаандаа гоц мөргөнө. 2 дахь барилдаанд Канадын бөхтэй барилдана.
А.Батсуурь /ДАШТ -д анх удаа зодоглоно/ B хэсэг багтсан ба хэсгийн эхний барилдаанд гоц мөргөнө. 2 дахь барилдаанд Перу улсын бөхтөй барилдана.