Ойд зориулсан хандивын мөнгийг үр бүтээлтэй зарцуулахыг уриаллаа
Монголын оюутны холбоо, “Номтой нөхөрлөе” клубтэй хамтран энэ жил ойгоо тэмдэглэх сумдуудын нутгийн зөвлөлд зориулан уриалга гаргалаа.
МОХ-ны хэвлэл мэдээллийн ажилтан Э.Батжаргал “Энэ жил 125 сумын тэгш ой тохиож байгаа. Ойн арга хэмжээнд зориулан хандив цуглуулдаг бөгөөд багадаа 500 сая төгрөг нутгийн зөвлөлд хуримтлагддаг гэсэн мэдээлэл байгаа.
Харин энэ их мөнгөний зарцуулалтын талаар мэдээлэл бага байдаг. Суманд хаалга хийх, суварга босгох, наадмын бай шагнал өгөх зэргээр хандивийн мөнгийг зарцуулдаг. Гэтэл энэ дунд бодитой сумын иргэдэд хэрэг болж үлдэх зүйл байхгүй байгаа юм” гэлээ.
“Номтой нөхөрлөе” клубийн тэргүүн Н.Хүлгэн: Бид үндэсний их баяр наадмыг эсэргүүцэж, үндэсний өв соёлоо эсэргүүцэж байгаа юм биш шүү. Харин ч бид эх оронч үндэсний үзэлтэй залуус. Бид ингэж үргүй зардал гаргаж байгааг дуугүй хараад сууж чадахгүй ээ. Тиймээс энэ жил тэгш ойгоо тэмдэглэхээр зэхэж буй сумдуудын удирдлагуудад хандан ҮР ХОЙЧДОО ХЭРЭГТЭЙ, ТЭДНИЙ СУРЧ БОЛОВСРОХОД ДЭМЖЛЭГ ҮЗҮҮЛЭХ, БОДИТ БҮТЭЭН БАЙГУУЛАЛТААР СУМЫНХАА ОЙД ЗОРИУЛСАН БЭЛЭГ БАРИАЧЭЭ хэмээн уриаллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
