Хууль Зүйн сайд Х.Тэмүүжин өчигдөр "25 дугаар суваг" телевизийн "Ам нээвэл..." нэвтрүүлэгт оролцож сүүлийн үеийн асуудлуудаар байр сууриа илэрхийллээ. Түүний ярилцлагын ОНЦЛОХ хэсгүүдээс эшэллээ.
100 чухал сэдэв
- Энэ нэвтрүүлэг улс төрийн бодлогын өрсөлдөөн гэхээсээ илүү хуулийн асуудал болох магадлалтай байна.
- Үндсэн хуулиар иргэнийг хэн нэгэн харъяалалаас нь хасах, хөөх, гадаад улс руу шилжүүлэхийг хориглосон байдаг.
- Хүн эцэг эхээ сонгохгүйтэй адил Монгол улс хоёр хөршөө сонгохгүй.
- А.Гансүх сайд томилолттой байгаад хуулийн төсөлд гарын үсэг зурж амжаагүй. Өчигдрийн хуралдаан дээр нөхөж зурна гэж амласан.
- Гэхдээ үйлдвэрлэл хөгжүүлэхэд мөнгөтэй байх хэрэгтэй. Тиймээс эхний ээлжинд худалдааг дэмжсэн төмөр замыг тавьж нүүрсээ борлуулаад эхний хуримтлал үүсгэх ёстой.
- Ингэж хуримтлал үүсгээд үйлдвэрлэл рүү оруулах уу эсвэл зээл авах уу?
Хуулийн шинэчлэл
- Бид зохиол бичээгүй. Энэ бол судалгааны үр дүнгүүд.
- Ц.Нямдорж 2002 оноос эхэлсэн эхний шатны өөрчлөлтүүдийг хийчээд дараагийн шатанд шилжихдээ жаахан удааширсан тал бий.
- Одоогийн эрүүгийн хуулиар, зорилготойгоор бус, иргэдээ шоронжуулах систем руу яваад эхэлсэн.
- Тухайлбал танхайрах гэдэг зүйл анги хасагдаж байгаа. Энэ нь олон хэргийг ялгаж салгалгүй танхайрах гэдэг том уут руу хийдэг болгосон.
Огцруулах асуудлаар
- Надтай хамтарч ажиллахгүй гэдгээ ганцхан цагдаагийнхан илэрхийлсэн.
- Хувьчлалтай холбоотой дөрвөн процесс манайд явагдсан.
- Нэгд. Өмч хувьчлал. Шилжилтийн үед анхны хуримтлал хэзээ ч хууль ёсны дагуу бүрэлддэггүй.
- Хоёрт. Үүний дараа өмчөө хамгаалахын тулд төрийн албан хаагчдыг хувьчилж авдаг.
- Гуравт. Төрийн албан хаагчид сонгуулиар солигдох болсон тул улс төрчид, намуудыг худалдаж авдаг.
- Дөрөвт. Энэ нь хангалтгүй болоод ирэхээрээ хуулийн байгууллагуудад орон зайгаа бий болгодог.
- Миний хувьд Х.Баттулга гишүүнтэй зөрчилдөх зүйл олж харахгүй байгаа. Харин тэр хүн яаж харж байгааг хэлж мэдэхгүй байна.
- Надад хэн нэгэнтэй жижиг хэрүүл хийж өөрийнхөө зорилгыг нураах хүсэл алга.
Г.Сарангэрэлийн тухай
- Тэр охины хувь заяа хүний гарт байна. Уг нь хуулийн гарт байх ёстой байсан.
- Гэмт хэрэг илрүүлэх нэрийн дор өөрсдөө гэмт хэрэг хийж байна.
- Хар тамхитай холбоотой эсэхийг нь би мэдэхгүй. Шүүхээр эцэслэн тогтоогдох ёстой.
- Энэ хэргийн талаар зохиолыг нь бичсэн хүнээс асуувал илүү сонирхолтой хариулт өгч магадгүй.
- Хулгайн хэрэгт сэрдэгдэж байхад нь өмгөөлөгч олж өгсөн.
- Олон хүн надаас тусламж гуйхад би өмгөөлөгчтэй холбож өгдөг. Гэхдээ араас нь процесст оролцдоггүй.
- Би цагдаагийнхан зохиолыг нь бэлдээд, нэг улс төрч санхүүжүүлээд хийж байгаа тоглоомын гол дүрд тоглохгүй.
- Энэ бол зохион байгуулалттай хэрэг байж магадгүй. Гэхдээ би хувь заяа нь хүний гарт байгаа хүнийг үүнд буруутгахгүй.
- Ийм ажиллагаа зохион байгуулсан хүмүүстэй би тооцоо бодно.
- Нэг хурандаа материалыг нь бэлдэж өгөөд байгаа. Түүнийг нь нэг хүн ашиглаад байна. Бүгд амьдрал дээр ил тод байна шүү дээ.
- Аливаа өөрчлөлт эсэргүүцэлтэй тулгарна. Гэхдээ энэ нь арай л эрт, олон талтай гарч ирж байгаа нь сонин байна.
- Би эрэгтэй хүн, залуу хүн. Амьдралд элдэв зүйл тохиолдоно. Гэхдээ би эхнэртээ үнэнийг л хэлнэ.
- Айдсаас илүү хүчтэй итгэл үнэмшил гэж байдаг. Худалдаж авч болдоггүй зарчим гэж байдаг юм.
- Гэмт хэргийг илрүүлэхийн тулд гэмт хэрэг хийж болохгүй.