“ТОП-5” сонины нэгээр “Өглөөний сонин” шалгарлаа
Монголын маркетинг, менежментийн хүрээлэнгээс зохион байгуулдаг “Гранд экспо-2014” үндэсний бизнес фестивалийн шагнал гардуулах ёслол өнгөрсөн лхагва гарагт боллоо.
Дөрөв дэх жилдээ зохиогдсон энэхүү фестивалийн олон нийтийн санал асуулгыг өнгөрөгч сарын 15-наас энэ сарын 15-ныг хүртэл орон даяар явуулсан байна.
Ингээд улс эх орныхоо хөгжил дэвшилд хувь нэмрээ оруулж, бүтээн байгуулалт өрнүүлэн, томоохон хөрөнгө оруулалт үзүүлж буй бүхий л компани, үйлдвэр уурхай, аж ахуйн нэгжүүдээс 12 салбарт шилдэг компани, хамт олныг “ТОП”-оор тодруулсан юм.
Олон нийтийн санал асуулга болон мэргэжлийн экспертүүдийн дүгнэлтээр хэвлэл мэдээллийн салбарын гранпри шагналыг “ETV” телевиз, NEWS.MN сайт хүртсэн бол манай сонин “ТОП-5” сонины нэгээр шалгарлаа.
Тодруулбал үндэсний өдөр тутмын “ТОП-5” сониноор “Өдрийн сонин”, “Үндэсний шуудан”, “Өнөөдөр”, “Зууны мэдээ”, “Өглөөний сонин” тус тус шалгарсан юм.
Мөн “ТОП-5” сайтаар Zaluu.com, Caak.mn, Gogo.mn, Wikimon.mn, 24tsag.mn шалгарав. Харин шилдэг таван телевизээр “TV5”, “Монгол HD”, “SBN”, Эх орон, “Eagle” телевиз тодорсон юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
