Ш.Батхүү УКТЭ-т мэдрэлийн зангилаа тайлах хагалаанд орох гэнэ
“Жаст” группийн Ш.Батхүү ШШГЕГ-ын харъяа хорих 461 дүгээр ангид өнгөрсөн намраас саатуулагдан шалгагдаж байгаа билээ.
Тэрбээр сахарын өвчтэй байсан бөгөөд шоронгийн хүйтэн өрөө түүний өвчнийг сэдрээх шалтгаан болжээ. Тиймээс түүний хөл гар тэжээлийн дутагдалд орж, мэдээ алдсан аж.
Иймд түүнийг Улсын клиникийн төв эмнэлэг рүү өнгөрсөн баасан гарагт шилжүүлсэн юм.
Одоогоор Ш.Батхүү тус эмнэлгийн Мэс заслын тасагт хэвтэн эмчлүүлж байна. Эх сурвалжийн мэдээлснээр түүний биеийн байдал сайнгүй байгаа аж. Тиймээс энэ долоо хоногт мэдрэлийн зангилаа тайлах хагалгаанд орохоор болжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
