Марк Зукерберг 30 нас хүрлээ

Дэлхийн хамгийн том нийгмийн сүлжээ Facebook-г үүсгэн байгуулагч Марк Зукерберг таван сарын 14-нд буюу өчигдөр 30 нас хүрлээ.

Түүний байгуулсан сүлжээг дэлхийн 1.2 тэрбум хүн хэрэглэдэг. Ингээд түүний хэлсэн зарим эшлэлтэй танилцъя.

• “Хурдтай ажиллаж орчноо эвдэж өөрчил. Эвдэхгүйгээр чи илүү хурдалж чадахгүй”

• “Хүмүүсийн тухай бид юу мэдэх вэ? гэдэг чухал биш. Гол нь хүмүүс өөрсийнхөө тухай юу ярихыг хүсч байна вэ? гэдэг нь чухал.”

• “Ямар ч эрсдэл хийхгүй байх нь хамгийн том эрсдэл. Хурдтай өөрчлөгдөж байгаа энэ дэлхий дээр эрсдэл үүрэхгүй байх нь сүйрлийн баталгаа.”

• “Хакерын замнал бол тасралтгүй сайжруулалтын төлөө ажиллах. Хакерууд хэзээ ч ямар нэг бүтээл бүрэн төгс дуусдаггүй, илүү сайн болгох арга зам байгаа гэдэгт итгэж явдаг.”

• “Хүмүүст оюун ухаан, ур чадвар байдаг ч өөрөө үүндээ итгэхгүй бол ямар ч хэрэгцээгүй зүйл болно”

• “Би Facebook-ыг Америкийн компани төдий байлгамааргүй байна. Бас энэ компанийг Америкийн үнэт зүйлсийг дэлхий даяар түгээгч болгомооргүй байна. Харин бид соёлын өндөр мэдрэмжтэй байж, дэлхийн хүмүүс хэрхэн сэтгэж боддогийг ойлгодог байх хэрэгтэй байна.”

• “Зөвхөн компани байгуулах бол миний зорилго биш байсан. Ингэж хэлэхээр хүмүүс намайг орлого ашгийг хайхардаггүй хүн гэж буруугаар ойлгох байх. Миний хэлэх гэсэн санаа бол би дэлхийг өөрчлөх ямар нэг агуу зүйл бүтээхийн тулд компани байгуулсан юм.”