ЭМШУИС эмнэлэгтэй болно
Эрүүл мэндийн шинжлэх ухааны их сургууль Японы ЖАЙКА байгууллагын тусламжтайгаар 150 ортой бааз эмнэлэг байгуулахаар болжээ.
Холбогдох гэрээ хэлцэлийг хийж, зураг төслийг нь бэлэн болгосон байна. Их сургуулийн эмнэлгийг Ботаникийн цэцэрлэгт зургаан га газарт барихаар болжээ.
Барилгын ажлыг энэ онд эхлүүлэхээр төлөвлөсэн байна. Уг эмнэлэг нь мэдрэл, дотор, хүүхэд, эмэгтэйчүүд, мэс засал зэрэг нарийн мэргэжлийн бүхий л төрлөөр тусламж үзүүлэх юм байна.
Мөн Баянзүрх дүүргийн иргэдэд тусламж үзүүлэхийн зэрэгцээ нарийн мэргэжлээр суралцаж буй резидент эмч нарыг сургах, дадлага хийлгэх бааз болох юм байна. Их сургуулийн эмнэлгийг хоёр жилийн дараа ашиглалтанд оруулахаар төлөвлөжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
0 СЭТГЭГДЭЛТЭЙ
|
