О.Баасанхүү гишүүний тууштай зан юунд хүрэх вэ
УИХ-ын гишүүн О.Баасанхүү өчигдөр УИХ-ын дарга З.Энхболдын үүдийг хоёр цаг гаруй сахисан сурагтай.
Юуны учир ийнхүү хүлээснийг нь лавлатал Хууль зүйн сайд Х.Тэмүүжинг огцруулах тухай хүсэлт УИХ-ын даргад өргөн барих гэж байсан юм байх. Харин УИХ-ын дарга түүний хүсэлтийг хүлээж аваагүй аж.
Тиймээс эрхэм гишүүн даргын үүдийг сахиж бараг л “Бухын доодохыг харж үнэг турж үхнэ” гээч болсон сурагтай. Түүний хүсэлт гаргах болсон шалтгаан нь хууль зөрчсөн, салбараа удирдах чадваргүй, Засгийн газрын гишүүний хувьд ёс зүйн алдаа дутагдал гаргасан зэрэг үндэслэлээр буруутгаж суудлаасаа буу гэж байгаа аж.
Хэрвээ эрхэм гишүүний хоёр цаг хүлээсэн тууштай зан ялж УИХ-ын дарга хүсэлтийг нь хүлээж авбал түүний албан бичгийн хариу 14 хоногтоо багтаж Байнгын хороо, Их хурлаар хэлэлцэгдэж шийдвэр нь гарах юм байна.
Ямартай ч эрхэм гишүүн өөрийн зөв гэж бодсон зүйлийн төлөө тууштай явдаг нэгэн гэдгийг хүн бүхэн мэдэх хойно доо.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
0 СЭТГЭГДЭЛТЭЙ
|
