Кино од Ширлей Темпл бурхны оронд заларлаа
Хүүхэд насандаа буюу 1930-1940 онуудад Холливүдын бяцхан гүнж гэгдэж явсан кино од Ширлей Темпл өчигдөр 85 насандаа бурхны оронд заларлаа.
Гурван наснаасаа эхлэн кинонд тоглох болсон тэр Fox Films компанитай урт хугацааны гэрээ хийж урлагийн гараагаа эхэлсэн юм. Харин 22 насандаа дэлгэцнээс буусан нь хамгийн залуудаа зодог тайлсан тохиолдол байлаа.
Тэр амьдралдаа хоёр удаа гэрлэж хоёр охин, нэг хүүгийн ээж болсон юм. Урлагаас явсныхаа дараа тэрээр улс төрч болж Бүгд Найрамдах намын гишүүн болж байв. Темпл НҮБ-ийн 24 дүгээр ерөнхий чуулганд АНУ-ын төлөөлөгчөөр оролцож, 1974-1976 онд Гана улсад элчин сайд, 1989-1992 онд Чехословак улсад элчин сайдаар тус тус ажиллаж байсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
0 СЭТГЭГДЭЛТЭЙ
|
