Маргааш Улаанбаатар хотод эхлэх шатрын ААШТ-д түрүүлсэн тамирчин $15,000 шагнал хүртэнэ
Шатрын нээлттэй ангиллын 21, эмэгтэйчүүдийн 27 дахь удаагийн Азийн Аварга Шалгаруулах Тэмцээн (ААШТ) маргааш буюу энэ сарын 28-наас зургаадугаар сарын 7-ныг дуустал ''Аса арена"-д болно.
Тэмцээнд шар тивийн 27 орноос тамирчид оролцох юм.
Тус тэмцээний шагналын сан өнгөрсөн жилийнхтэй харьцуулахад $20,000 нэмэгдсэн юм. Нийт $100,000 шагналын сантай тус тэмцээнд түрүүлсэн шатарчин $15,000 авахаас гадна Дэлхийн цомд өрсөлдөх "тийзээ" гардана.
Энэ удаагийн тэмцээний нээлттэй ангилалд 147 шатарчин ухаанаа уралдуулах бол эмэгтэйчүүдийн ангилалд 101 тамирчин өрсөлдөнө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
