Баянгол дүүрэгт гэр хорооллын зургаан хороог дамнасан үерийн далан дагуу 18 километр дугуйн зам барина
Энэ онд Баянгол дүүрэгт гэр хорооллын зургаан хороог дамнасан үерийн далан дагуу 4 километр урт, 3 метр өргөнтэй дугуйн болон явган хүний зам тавихаар болжээ.
Дугуйн болон явган хүний зам барихаар төлөвлөсөн 4 метр урттай далан дагуу замын трасст өртсөн 20 гаруй, мөн айлын орц, гарц нь далан руу харсан 20 гаруй байршил байгаа аж. Эдгээр байршилд газар чөлөөлөх талаар эзэдтэй нь зөвлөлдөх, чөлөөлсөн айлын газарт сагсны болон тоглоомын талбай барихаар төлөвлөжээ.
Нийт 18 километр явган хүний болон дугуйн зам барина гэж албаныхан мэдээлэв.
Түүнчлэн Сүхбаатар дүүрэгт 15.17 км, Чингэлтэй дүүрэгт 3.6 км, Баянзүрх дүүрэгт 28.23 км, Хан-Уул дүүрэгт 9.18 км, Сонгинохайрхан дүүрэгт 3.6 км дугуйн зам барихаар төсөвлөжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
