Улаанбаатар хотод болох боксын тивийн аварга шалгаруулах тэмцээнд оролцох Монгол Улсын шигшээ багийн бүрэлдэхүүн
Дэлхийн Боксын Холбоо (World Boxing)-ноос зохион байгуулж буй 2026 оны Азийн Аварга Шалгаруулах Тэмцээн (ААШТ) энэ сарын 30-наас дөрөвдүгээр сарын 11-нийг дуустал Улаанбаатар хотын "Аса арена"-д болно.
Тэгвэл Монголын Боксын Холбоо (МБХ)-ноос тивийн тэмцээнд оролцох тамирчдынхаа нэрсийг өнөөдөр зарлалаа.
Сонирхуулахад саяхан Дэлхийн Боксын Холбооноос 2026 оны гуравдугаар сарын дэлхийн чансааг танилцуулсан юм. Уг чансаагаар Дэлхийн Аварга Шалгаруулах Тэмцээн (ДАШТ)-ий мөнгөн медальт А.Баттулга 972.5 оноогоор жиндээ хоёрдугаарт жагссан байна.
Тэгвэл эмэгтэйчүүдийн 48 кг-ын жинд дөрөвдүгээрт бичигдсэн ДАШТ-ий мөнгө, хүрэл медальт Л.Алтанцэцэг энэ удаагийн тивийн аваргад оролцохгүй аж.
Эрэгтэй
- 50 кг — А.Баттулга
- 55 кг — Х.Билгүүнсайхан
- 60 кг — Б.Буяндалай
- 65 кг — Т.Энхтөр
- 70 кг — О.Бямба-Эрдэнэ
- 75 кг — Г.Далай
- 85 кг — Д.Барихаан
- 90 кг — Г.Энхсанаа
- +90 кг — Х.Бекнур
Эмэгтэй
- 48 кг — Э.Намуундарь
- 51 кг — Б.Мөнгөнсаран
- 54 кг — М.Энхжаргал
- 57 кг — Т.Номин-эрдэнэ
- 60 кг — М.Намуун
- 65 кг — М.Цэцэгдарь
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
