"The MongolZ" багийн StarLadder Budapest Major-2025 тэмцээний Playoffs шатны тоглолт өнөө шөнө эхэлнэ
Цахим спортын "Counter Strike 2" тоглоомын энэ оны хоёр дахь Дэлхийн Аварга Шалгаруулах Тэмцээний (ДАШТ) шөвгийн найман багийн тоглолт өнөө шөнө Унгарын Будапешт хотноо эхэлнэ.
StarLadder Budapest Major-2025 тэмцээний Playoffs шатанд Бразилын "FURIA", ОХУ-ын "Team Spirit", Францын "Team Vitality", Германы "MOUZ", манай улсын "The MongolZ", Саудын Арабын "Team Falcons", Украины "Natus Vincere", Европын "FaZe Clan" гэсэн найман баг шалгараад байгаа юм.
"The MongolZ" багийн хувьд өнөө шөнийн 03:00 цагт Францын "Team Vitality" багтай "Во3" журмаар тоглох бөгөөд хожсон баг нь шөвгийн дөрөвт шалгарах юм.
Шөвгийн дөрөвт ОХУ-ын "Team Spirit" болон Саудын Арабын "Team Falcons" багийн аль хожсонтой нь энэ долоо хоногийн Ням гарагийн шөнийн 03:00 цагт тоглоно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
