Шилдэг түргэн хоолны газраар “ШӨЛӨНДӨ” шалгарлаа
Монголын ресторан зоогийн газрын салбарын нэр хүндтэй арга хэмжээ “Mongolian Restaurant Association Awards
2009 онд үүсгэн байгуулагдсан цагаасаа хойш хэрэглэгчдийн итгэл, сэтгэлд тулгуурлан тогтвортой хөгжиж ирсэн “Шөлөндө” өдгөө Улаанбаатар болон Дархан хотод нийт 12 салбар, 372 ажилтантайгаар үйл ажиллагаа явуулж байна. Тус брэнд нь Монголын хоол үйлчилгээний салбарт 24/7 буюу хэзээ ч үүд хаалгаа барьдаггүй анхны хоолны сүлжээ-г бий болгосноороо онцлог бөгөөд “Зөвхөн өл цатгах бус, сэтгэлийг дулаацуулах” “Сэтгэл Цадна” хэмээх энгийн атлаа гүн утгатай амлалтаа тууштай хэрэгжүүлсээр ирсэн юм.
Шөлөндө нь уламжлалт монгол хоолны амт, чанарыг орчин үеийн хурд, стандарттай уялдуулж, түргэн шуурхай үйлчилгээ, тогтвортой чанар, хэрэглэгч төвтэй менежментийн жишгийг салбартаа тогтоож чадсан нь энэхүү нэр хүндтэй шагналын эзэн болоход чухал нөлөө үзүүлжээ.
“Mongolian Restaurant Association Awards 2025” нь өнгөрсөн хугацаанд салбартаа манлайлж буй брэнд, хоол үйлчилгээний байгууллагуудыг хамарсан олон нийтийн онлайн санал асуулга явуулж байсан бөгөөд үүний зэрэгцээ салбарын мэргэжилтнүүд үйл ажиллагаа, үйлчилгээний чанар, инноваци, хэрэглэгчийн сэтгэл ханамж зэрэг олон талт шалгуур үзүүлэлтээр харгалзан үнэлсэн юм. Энэхүү үнэлгээний үр дүнд “Шөлөндө” брэнд шилдгүүдийн шилдгээр шалгарсан нь тэдний олон жилийн тууштай хөдөлмөр, хэрэглэгчдийн тогтвортой итгэлийн бодит илэрхийлэл болж байна.
БльюМон Групп болон “Шөлөндө” брэндийн хамт олон энэхүү амжилтыг хамт олныхоо нэгдмэл зорилго, хэрэглэгчдийн дэмжлэг, итгэлийн үр дүн хэмээн онцолж, цаашид ч “Сэтгэл Цадна” эрхэм амлалтаа илүү өргөн хүрээнд түгээхээр зорьж байгаагаа илэрхийллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
