Аравдугаар сарын 3-наас ихэнх нутгаар сэрүүсэж, 7-нд хур тунадас орно

Гэрэл зургийг MPA агентлагийн онцгой зөвшөөрөлтэйгөөр ашиглав

2025 оны есдүгээр сарын 29-нөөс 10 дугаар сарын 08-ныг хүртэлх 10 хоногийн цаг агаарын урьдчилсан төлөвийг Цаг уур, орчны шинжилгээний газраас мэдээллээ. 

Аравдугаар сарын 02-нд баруун аймгуудын ихэнх нутаг, төвийн аймгуудын нутгийн баруун хэсгээр, 03-нд нутгийн хойд хэсгээр, 07-нд ихэнх нутгаар хур тунадас орж, 03-наас ихэнх нутгаар сэрүүсэж, салхитай байх төлөвтэй  байна. 

Хур тунадас:

• Есдүгээр сарын 29-нд Хангайн уулархаг нутгаар,
• Есдүгээр сарын 30-нд Монгол-Алтай, Хөвсгөл, Хэнтийн уулархаг нутгаар,
• Аравдугаар сарын 1-нд Монгол-Алтай уулархаг нутгаар,
• Аравдугаар сарын 2-нд баруун аймгуудын ихэнх нутаг, төвийн аймгуудын нутгийн баруун хэсгээр,
• Аравдугаар сарын 3-нд төв болон зүүн аймгуудын нутгийн зарим газраар,
• Аравдугаар сарын 4, 5-нд баруун, төв, зүүн аймгуудын нутгийн хойд хэсгээр,
• Аравдугаар сарын 6-нд баруун аймгуудын нутгийн зарим газар, төвийн аймгуудын нутгийн баруун хойд хэсгээр,
• Аравдугаар сарын 7-нд нутгийн төв хэсгээр,
• Аравдугаар сарын 8-нд нутгийн зүүн хэсгээр хур тунадас орно. 

Салхи:

• Ихэнх нутгаар секундэд 6-11 метр, 30-нд тал, хээрийн нутгаар,
• Аравдугаар сарын 01-нд нутгийн хойд хэсгээр,
• Аравдугаар 02,07-нд ихэнх нутгаар,
• Аравдугаар 06-нд баруун болон төвийн аймгуудын нутгаар,
• Аравдугаар 08-нд зүүн аймгуудын нутгаар түр зуур секундэд 18-20 метр хүрч ширүүснэ.

Агаарын температур:
Есдүгээр сарын 30 болон Аравдугаар сарын 01-нд нутгийн өмнөд хэсгээр,

Аравдугаар 02-нд нутгийн зүүн өмнөд хэсгээр дулаан байх боловч бусад хугацаанд ихэнх нутгаар сэрүүсэж

Алтай, Хангай, Хөвсгөл, Хэнтийн уулархаг нутаг, Хүрэнбэлчир, Идэр, Тэс, Тэрэлж голын хөндийнгөөр шөнөдөө -7...-12 градус хүйтэн, өдөртөө -2...+3 градус, говийн бүс нутгийн өмнөд хэсгээр шөнөдөө +3...+8 градус, өдөртөө +15...+20 градус, бусад нутгаар шөнөдөө -4...+1 градус, өдөртөө +4...+9 градус дулаан байна.

                       Улаанбаатар хот орчмын 10 хоногийн цаг агаарын урьдчилсан төлөв

Хур тунадас: Аравдугаар сарын 02-03-нд ялимгүй хур тунадас орно. Бусад хугацаанд хур тунадас орохгүй.   

Салхи: Ихэнх хугацаанд секундэд 5-10 метр, 30 болон 10 дугаар сарын 02-нд баруун өмнөөс хойш эргэж секундэд 12-14 метр хүрч ширүүснэ.

Агаарын температур: Хугацааны эхээр дулаахан шөнөдөө +2...+7 градус, өдөртөө +14...+19 градус дулаан, 03-наас сэрүүсэж шөнөдөө Яармаг-Сонгины орчмоор -1....-6 градус хүйтэн, бусад хэсгээр -2...+3 градус, өдөртөө +4....+9 градус дулаан байна.