Наадмын амралтын үеэр Зайсан толгойг зөвшөөрөлгүйгээр ухаж байсныг зогсоожээ
Наадмын амралтын өдрүүдэд Зайсан толгойг бэлээс нь эхлэн экскаватороор ухаж буй бичлэг цахим орчинд тараад буй.
Уг мэдээллийн мөрөөр зөвшөөрөлгүйгээр шөнийн цагаар газар ухаж, төрийн албан хаагчдын тавьсан нийтлэг шаардлагыг биелүүлэхгүй байгаа техникүүдийг үйл ажиллагааг зогсоож техникүүдийг албадан гаргахаар ажиллаж байгаа талаар Богдхан уулын дархан цаазат газрын хамгаалалтын захиргаанаас мэдээллээ.
Мөн Хамгаалалтын захиргаанаас тус газар ашиглагчийн үйл ажиллагаанд хуулийн хүрээнд үзлэг шалгалт явуулж шаардлагатай арга хэмжээг авч хариу мэдэгдэх болно гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
