Маргааш нутгийн зүүн хагаст +30 градусыг давж халах тул болзошгүй гал түймрийн аюулаас сэрэмжтэй байхыг анхаарууллаа

Гэрэл зургийг MPA агентлагийн онцгой зөвшөөрөлтэйгөөр ашиглав

Маргааш буюу долдугаар сарын 2-нд нутгийн зүүн хагаст +30 градусыг давж халах талаар Цаг уур, орчны шинжилгээний газраас мэдээллээ. 

Хуурайшилт улам нэмэгдэх тул болзошгүй гал түймрийн аюулаас сэрэмжтэй байхыг анхааруулав. 

Өчигдөр өдөр зүүн аймгуудын нутгаар +35 хүрч халсан байна. ,

2025 оны 07-р сарын 3-7-ныг хүртэлх цаг агаарын урьдчилсан төлөв:

Хур тунадас: 

• Долдугаар сарын 3, 4-нд баруун аймгуудын нутгийн зарим газар, төвийн аймгуудын нутгийн ихэнх нутаг, говь болон зүүн аймгуудын нутгийн хойд хэсгээр,
• Долдугаар сарын 5-нд баруун аймгуудын нутгийн зарим газар, төв болон говийн аймгуудын нутгийн баруун хэсгээр,
• Долдугаар сарын 6-нд баруун, төв, говийн аймгуудын нутгийн зарим газраар хэсгээр бороо, дуу цахилгаантай аадар бороо орно.

Салхи: 

• Ихэнх хугацаанд секундэд 5-10 метр, нутгийн зарим газраар борооны өмнө түр зуур ширүүснэ.
• Долдугаар сарын 3, 4-нд нутгийн хойд хэсгээр өдөртөө бага зэрэг сэрүүсэж Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчмоор шөнөдөө +4…+9 градус, өдөртөө +16...+21 градус,
• говийн бүс нутгийн хойд хэсгээр +12...+17 градус, өдөртөө +24...+29 градус,
• говийн бүс нутгийн өмнөд хэсэг, Дорнод-Дарьгангын тал нутгаар шөнөдөө +17...+22 градус, өдөртөө +30...+35 градус,
• бусад нутгаар шөнөдөө +8…+13 градус, өдөртөө +20...+25 градус дулаан байна.