Өнөөдөр нутгийн зарим газраар, 29-нд нутгийн зүүн хагаст салхи секундэд 15-17 метр хүрч ширүүснэ

Гэрэл зургийг MPA агентлагийн онцгой зөвшөөрөлтэйгөөр ашиглав

Дөрөвдүгээр сарын 28-нд нутгийн зарим газраар, 29-нд нутгийн зүүн хагаст салхи секундэд 15-17 метр хүрч ширүүсэж, шороон шуурга шуурахыг цаг уурын байгууллагаас анхаарууллаа. 

Улаанбаатар хотод өнөөдөр салхи баруун өмнөөс секундэд 14-16 метр хүрч ширүүсэж, шороон шуурга шуурна. 

04-р сарын 29-нөөс 05-р сарын 03-ныг хүртэлх цаг агаарын урьдчилсан төлөв:

Хур тунадас: 

• Дөрөвдүгээр сарын 29-нд Монгол-Алтай, Хангай, Хэнтийн уулс, Онон, Улз голын хөндийгөөр,
• Дөрөвдүгээр сарын 30-нд баруун аймгуудын нутгийн зарим газар, төвийн аймгуудын нутгийн баруун, зүүн аймгуудын нутгийн хойд хэсгээр,
• Тавдугаар сарын 01-нд баруун аймгуудын нутгийн зүүн, төвийн аймгуудын ихэнх нутаг, говь болон зүүн аймгуудын нутгийн баруун хэсгээр,
• Тавдугаар сарын 02-нд говийн аймгуудын нутгийн өмнөд хэсэг, зүүн аймгуудын нутгийн зарим газраар бороо, нойтон цас орно.

Салхи:

• Дөрөвдүгээр сарын 29-нд нутгийн зүүн хагаст,
• Дөрөвдүгээр сарын 30-нд Алтайн уулархаг нутаг, говь, тал хээрийн нутгаар,
• Тавдугаар сарын 01-нд Алтайн салбар уулс, говийн бүс нутгаар,
• Тавдугаар 02-нд говь, тал, хээрийн нутгаар секундэд 15-17 метр хүрч ширүүсэж, шороон шуурга шуурна.

Агаарын температур: 

30-нд баруун аймгуудын нутгаар өдөртөө дулаан, бусад хугацаанд ихэнх нутгаар сэрүүсэж Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс, Орхон, Сэлэнгэ, Хараа, Ерөө, Туул, Тэрэлж, Хэрлэн голын хөндийгөөр шөнөдөө -4…-9 градус хүйтэн, өдөртөө +5...+10 градус, Их нууруудын хотгор, говийн бүс нутгаар шөнөдөө +3...+8 градус, өдөртөө +17…+22 градус, бусад нутгаар шөнөдөө -2…+3 градус, өдөртөө +10...+15 градус дулаан байна