“Хайлаас мод” Улсын Драмын Эрдмийн Театрт дэлгэрлээ

Тайзны хөшиг аажмаар нээгдэж, гэрэл зөөлөн тусахад хайлаас модны дүрслэл театрын тайзнаа сүндэрлэнэ. Навчис нь зөөлөн сэрчигнэж, мөчир бүр нь түүх хүүрнэх шиг. “Хайлаас модны доор чамайг хүлээнэ” жүжиг үзэгчдийг өөрийн ертөнцөд уруу татаж, хайр, хүлээлт, дурсамжийн торгон мэдрэмжүүдийг мэдрүүлнэ.

Америкийн зохиолч, реалист жүжгийн зохиолын онцгой үзэгдэл хэмээн алдаршсан Южин О’Нилийн зохиол “Хайлаас модны доор чамайг хүлээнэ” жүжиг УДЭТ-ын тайзнаа тавигдаж байна. Эртний Грекийн драмын сэтгэлгээг Америкийн нийгмийн хөрсөн дээр амжилттай буулгаж, сэтгэлзүйн сонирхолтой драм өрнүүлж чадсан хэмээн үнэлэгддэг энэхүү жүжгийн найруулагчаар Төрийн соёрхолт, УГЗ найруулагч Н.Наранбаатар ажиллаж буй юм. 

1924 оноос хойш дэлхийн олон орны театрын тайзыг байлдан дагуулсан энэхүү алдарт жүжиг 1996 онд анх “Тамын дурлал” нэрээр УДЭТ-ын тайзнаа тавигдаж байсан билээ.

• Зохиолч: Южин О’Нил /Нобелтийн шагналт/
• Ерөнхий найруулагч: Н.Наранбаатар /ТС, УГЗ/
• Ерөнхий зураач: Т.Ганхуяг /УГЗ/
• Хөгжмийн зохиолч: Ц.Байдраг /СТА/
• Бүжиг, хөдөлгөөний найруулагч: Г.Ган-Очир /СТА/
• Гэрлийн найруулагч: Я.Батсайхан /СТА/
• Дууны найруулагч: Т.Майдаржав /СТА/
• Гүйцэтгэх зураач: Л.Сүхбаатар /СТА/
• Уран сайхны удирдагч: Б.Хишигзаяа /СТА/

Дүрүүдэд:

• Эфрайм Кэбот – М.Түвшинхүү /МУГЖ/, Д.Баттөмөр /СТА/
• Абби Патнам – О.Долгор /СТА/, Д.Асардарь/СТА/
• Эбин Кэбот – Т.Сэргэлэн /СТА/, Т.Намсрай
• Симеон Кэбот – Б.Баттогтох /СТА/
• Питер Кэбот – Н.Мөнх-Эрдэнэ