"Хийн түлш оруулж ирдэг ААН-үүд 30,000 айлын хэрэглээг хангаж дийлэх түвшинд байгаа юм билээ"
Ирэх наймдугаар сард 10 мянган айлыг цахилгаан халаагуур, 20 мянган айлыг хийн халаагуурт шилжүүлж, сар бүр 100,000 төгрөгийн урамшууллыг өгөх тооцоолол гаргаад байгааг мэдээлсэн.
Хийн түлштэй холбоотой гаалийн мэдээллийн тухайд хотын дарга Х.Нямбаатар "Монгол Улс одоогийн байдлаар LNG, LPG, CNG бүтээгдэхүүнийг импортолдог.
Өмнөговь аймгийн Гурвантэсийн ордын байгалийн хийн нөөц нэгдүгээр сард өмнөх нөөцөөс 300 дахин нэмэгдсэн болохыг олборлолт хийж байгаа ААН нь олон улсын Хөрөнгийн бирж дээр танилцуулсан байна.
Улаанбаатар хотод энэ жил 30,000 айлын холболтыг дөрөвдүгээр сард эхлүүлж, есдүгээр сард халаалтыг өгөхөд LPG оруулж ирдэг ААН-үүд хангаж дийлэх түвшинд байгаа юм билээ. Зарим ААН хийн түлшийг ОХУ-аас оруулж, БНХАУ руу худалдаалж байгаа гэсэн гаалийн мэдээлэл байна.
Наушкийн хилийн үнэ авахад Улаанбаатар хотод зарагдаж байгаа LPG-ийн үнэ хоёр дахин хямдрах боломжтойг судалсан.
Харин хийн түлшний суурин шугам сүлжээг татах ТЭЗҮ хийгдэж байгаа юм. Өмнөх хотын дарга нарын үед "Улаанбаатар газ" компани байгуулсан байдаг. Тус компанийн байгалийн хийн агуулах, тоног төхөөрөмжүүдийг ашиглаж суурин шугамыг гэр хорооллын айл өрхүүдийн дунд татах юм" гэж танилцуулав.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
