ЧАНАР 172
ЧАНАР 282
ЧАНАР 311
ЧАНАР 152
ЧАНАР 120
ЧАНАР 171
ЧАНАР 108
ЧАНАР 129
ЧАНАР 146
ЧАНАР 118
ЧАНАР 98
ЧАНАР 458
ЧАНАР 245
ЧАНАР 246
ЧАНАР 103
ЧАНАР 105
ЧАНАР 160
ЧАНАР 80
ЧАНАР 128
CS2: Манай улсын гурван баг оролцож буй "eXTREMESLAND 2024" тэмцээн өнөөдөр Шанхай хотод эхэлнэ
Counter Strike-2 (CS2) тоглоомын Ази тивийн аварга шалгаруулах гэж болохуйц "eXTREMESLAND 2024" тэмцээн өнөөдөр Хятадын Шанхай хотод эхэлж байна.
Нийт 100,000 ам.долларын шагналын сантай тус тэмцээнд манай улсаас ATOX Esports, IHC Esports, Chinggis Warriors гэсэн гурван баг оролцож байгаа юм.
Манай улсын Chinggis Warriors баг А хэсгийн эхний тоглолтоо Сингапурын "dreamScape" багтай 12:30 цагаас хийнэ. Харин IHC Esports багийн С хэсгийн анхны тоглолт Филиппиний "Oni CLAN" багтай 18:30 цагаас эхлэх юм.
ATOX Esports баг энэхүү тэмцээний D хэсэгт багтсан бөгөөд 21:30 цагаас "Во1" (нэг "map"-аар ялагчийг тодруулах) журмаар Солонгосын "Miracle Play" багтай тоглох хуваарь гарчээ.
Өнөөдөр дөрвөн хэсгийн эхний тоглолтууд явагдана. Харин маргааш хэсэг бүрийн хожигдсон багууд хоорондоо хасагдахгүйн төлөө "Во3" (гурван "map"-аар ялагчийг тодруулах) журмаар тоглоно.
Энэ долоо хоногийн Баасан гарагт "Playoffs" шат руу дэвших хэсгийн сүүлийн тоглолтууд болно. "Playoffs" шатны бүх тоглолт энэ сарын 18-наас "Во3" (гурван "map"-аар ялагчийг тодруулах) журмаар зохион байгуулагдахаар болжээ.
"eXTREMESLAND 2023" тэмцээн буюу өнгөрсөн жилийн аваргаар манай улсын "The MongolZ" баг тодорч, 25 мянган ам.долларын эзэд болж байлаа.
Тэд энэ удаагийн "eXTREMESLAND 2024"-д тоглох урилга авсан боловч Европын тэмцээнтэй давхцан гэх шалтгаанаар оролцоогүй. Гэвч "The MongolZ" багийн тоглогч Senzu-ийн гар бэртсэний улмаас Европт зохиогдох тэмцээнийг өнжөөд байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
