"Цаг агаарын нөхцөл байдлын улмаас Сөүл-Улаанбаатар-Сөүл чиглэлийн зарим нислэг саатаж байна"

Бүгд Найрамдах Солонгос Улсын Сөүл хотод энэ долоо хоногийн Лхагва гарагт 117 жил ороогүй их цас орж, цаг агаарын нөхцөл байдал хүндэрсэн.

Үүнтэй холбоотойгоор энэ сарын 27-нд Инчеон нисэх буудалд л гэхэд 37 нислэг цуцлагдаж, 97 нислэг хойшлогдсоныг KBS World мэдээлжээ.

Иймд Сөүл-Улаанбаатар-Сөүл чиглэлийн нислэгт ямар өөрчлөлт гарсан талаар "New Ulaanbaatar International Airport" ХХК-аас тодрууллаа. 

Сүүлийн гурван өдрийн байдлаар

• Арваннэгдүгээр сарын 27-нд нислэгүүд хуваарийн дагуу үйлдэгдсэн.
• Арваннэгдүгээр сарын 28-нд "Korean Air"-ын нислэг цуцлагдаж, "Jeju Air"-ын Сөүл-Улаанбаатар-Сөүл чиглэлийн нислэг тодорхой хугацаагаар хойшлоод ниссэн бол МИАТ ТӨХК-ийн Улаанбаатар-Сөүл-Улаанбаатар чиглэлийн нислэг цагийн хуваарийн дагуу үйлдэгдсэн. 
• Өнөөдөр буюу арваннэгдүгээр сарын 29-нд МИАТ ТӨХК цагийн хуваарийн дагуу нислэг үйлдэхээр мэдээллээ өгсөн бол 11:55 цагт Сөүл-Улаанбаатар чиглэл хийгдэх байсан "Asiana Airlines" нислэг саатсан байна.