Нийтийн тээврийн автобус дотор шаардлага тавьсан зорчигчтой ёс зүйгүй харьцсан жолоочийн цалинг хасжээ
Нийтийн тээврийн автобус дотор шаардлага тавьсан иргэнтэй зүй бус харьцаж байгаа жолоочийн бичлэг цахим сүлжээнд нийтлэгджээ. Уг асуудалд холбогдох байгууллагаас мэдээлэл өгөв.
Нийтийн Тээврийн Бодлогын Газраас "Зүй ёсны шаардлага тавьсан зорчигчтой ёс зүйгүй харьцсан жолоочийн өмнөөс дахин уучлал хүсье.
Тухайн бичлэг нь 2022 оных бөгөөд 1-120 гараашын дугаартай автобусны жолооч С.Г юм. Зөрчил гаргасан жолоочид хариуцлага тооцсон бөгөөд хуулийн дагуу цалинг хасаж, улсын байцаагч зан харилцааны зөрчилд нь хариуцлага тооцсон.
"Зорчигч тээврийн нэгтгэл" ОНӨААТҮГ-т байсан "Daewoo" загварын автобус нь 2023 оны долдугаар сард бүртгэлийн сангаас бүрэн хасагдсан юм" гэж тайлбарлалаа.
Нийтийн тээврийн үйлчилгээний талаарх санал, гомдол, мэдээллийг 7004-4040 дугаарт хүлээн авч байгаа билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
