Оптимал Эн Макс ХХК “Singapore Fintech Festival 2024”-д оролцож байна

Сингапур улсад жил бүр зохион байгуулагддаг “Singapore Fintech Festival 2024”-д Оптимал Эн Макс ХХК оролцож байна.

Singapore Fintech Festival 2024/SFF/ нь энэ сарын 6–9-ний өдрийн хооронд Сингапурын Marina Bay Sands Expo and Convention Centre-т болж буй. Тус фестивалийн тухайд Сингапурын Санхүүгийн Зохицуулах Газар, SingEx Holdings компани, Дэлхийн Санхүү, Технологийн Сүлжээ зэрэг байгууллага хамтран дэлхийн дахины бодлого боловсруулагчид болон санхүү, технологийн салбарын мэргэжилтнүүдийг нэг дор цуглуулан харилцаа холбоо, хамтын ажиллагааг хөгжүүлэх зорилготойгоор зохион байгуулж эхэлсэн байдаг.

Тэр дундаа хэлэлцүүлэг, воркшоп, үзэсгэлэн зэрэг үйл ажиллагаагаар дамжуулан SFF нь санхүүгийн үйлчилгээний ирээдүйн чиг хандлага, дэлхийн эдийн засгийг өөрчилж буй дижитал шилжилтийн тухай олон нийтэд хүргэхийг зорьдог аж.

Тэгвэл уг арга хэмжээнд Монгол Улсаас Монголбанк, Монголын Банкны Холбоо Монголын финтекийн холбоо, Оптимал Эн Макс ХХК, Тэрбум Мод Сан, М-Банк,  Голомт банк, Стор Пэй ХХК оролцож байна. Оптимал Эн Макс ХХК-ийн хувьд монгол хүний сайн сайхан байдлыг нэмэгдүүлэх үүднээс 2017 онд үүсгэн байгуулагдсан. Тиймдээ ч салбар дундын интеграци дээр суурилсан олон төрөлт шинэлэг шийдлүүдийг санаачлан, олон нийтийн мэдэх Zeely, Habido, Mindmetrix, Positive dadal, Psyfint гэсэн төслийг бойжуулж, монгол хүний, цаашлаад бусад улс орнуудын сайн сайхан байдлыг нэмэгдүүлэх экосистемийг бүрдүүлэхээр зорин ажиллаж байна.

 

Экосистемийн бүрдлийг авч үзвэл, Psyfint нь Монголын анхны сэтгэл зүйд тулгуурласан алтернатив кредит скорингийн үйлчилгээ гэдгээрээ онцлог. Харин Zeely нь уламжлалт бусаар харилцагчийн сэтгэл зүйд үндэслэн санхүүгийн хүртээмжтэй байдал, тэгш боломжийг бий болгож байгаа бол Habido нь эерэг дадлыг хэвшүүлж, өөрийнхөө сайн сайхан байдлыг дэмжих тулгуур юм.

Тэгвэл Оптимал Эн Макс нь энэ жилээс Zeely болон Habido гэсэн төслөө интеграцалж дараагийн түвшинд гаргаад байна.

 

Иймээс өөрсдийн хөгжүүлж буй технологийн шийдэл, төслөө олон улсад сурталчлан таниулж, финтекийн салбарын чиг хандлага, ирээдүйд өгөх үр өгөөжийн талаар санал солилцохын сацуу бусад улсын шинэлэг технологи, инновацыг судлах, хамтран ажиллахаар оролцож байна.

Тус үйл ажиллагааны хүрээнд 300 гаруй илтгэгч,  

• Хиймэл оюун ухааны хөгжлийн зураглал
• Ирээдүйн мөнгөний гүйлгээний хэлбэр
• Тогтвортой байдлыг үйл ажиллагаанд тусгах нь
• Санхүүгийн зөрүүтэй байдлыг арилгах нь
• Ирээдүйд хэрэгцээтэй байх авьяас чадварууд
• Дижитал хөрөнгийн блюпринт гэсэн зургаан чиглэлийн хүрээний 60 гаруй сэдвээр хэлэлцэж байна. Түүнчлэн, энэ жил 3000 гаруй санхүү, технологи бусад салбарын бизнес эрхлэгчид, гарааны бизнесийнхэн, судлаачид, хөрөнгө оруулагчид, шинийг эрэлхийлэгчид оролцож байна.

 

Your well-being our innovation
Опимал Эн Макс