ФОТО: АНУ-аас Монгол Улсад суугаа Элчин сайдын яамнаас сонгууль ажиглах өдөрлөг зохион байгууллаа
АНУ-ын ерөнхийлөгчийн сонгуулийн санал хураалт энэ цаг үед явагдаж байгаа. Үүнтэй холбогдуулан АНУ-аас Монгол Улсад суугаа Элчин сайдын яамнаас сонгууль ажиглах өдөрлөгийг Novotel зочид буудалд зохион байгууллаа.
Энэ үеэр АНУ-ын телевизүүдийн шууд дамжуулалт, Монголын мэргэжилтэн, судлаачдын хөтлөн явуулсан хэлэлцүүлгүүд, америк дипломатчидын хийсэн танилцуулга болон жишиг санал хураалтын үйл ажиллагаа болжээ.
Ерөнхийлөгчийн сонгуульд ялагч нь орон даяар хамгийн олон сонгогчийн саналыг авсан хүн байдаггүй. Харин АНУ-ын 50 муж тус бүрд өрсөлдөж, хамгийн олон сонгуулийн төлөөлөгчийн санал цуглуулсан нь ялдаг. Муж бүр хүн амынхаа тооноос хамаарсан тооны сонгуулийн төлөөлөгчтэй (electoral college) байдаг.
Бүх мужийн төлөөлөгчийн нийт тоо 538 болдог бөгөөд хамгийн багадаа 270 төлөөлөгчийн санал цуглуулсан нэр дэвшигч АНУ-ын ерөнхийлөгч болно.
Маргааш гэхэд АНУ-ын 47 дахь ерөнхийлөгчөөр 45 дахь ерөнхийлөгч асан Дональд Трамп дахин сонгогдох уу, эсвэл дэд ерөнхийлөгч Камала Харрис түүхэнд анхны эмэгтэй ерөнхийлөгч болох уу гэдгийг бид харах болно.
Өнөөдөр болсон өдөрлөгийн үеэр тэрбээр АНУ-ын Вашингтон хотоос шууд холбогдож, сонгуулийн санал үйл явцын талаар мэдээлэл өгсөн юм.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
