“УБТЗ” ХНН: Энэ онд 431 мянган тонн шахмал түлшний түүхий эд тээвэрлэсэн
Хүйтний улирал эхэлж байгаа энэ цаг үед нийслэл болон томоохон хотуудын Дулааны цахилгаан станцуудын нүүрсний нөөцийг нэмэгдүүлэхэд “Улаанбаатар төмөр зам” ХНН анхаарч, өөрийн эзэмшлийн 1,800 шахам вагоныг эрчим хүчний нүүрсний тээвэрт явуулж байна.
Мөн нийслэлийн иргэд аж ахуйн нэгжүүдийн дулааны хэрэгцээнд шаардлагатай сайжруулсан шахмал түлшний түүхий эдийг саадгүй тээвэрлэхэд онцгой анхааран ажиллаж байна гэв.
2024 оны эхнээс өнөөдрийг хүртэл 431 мянган тонн шахмал түлшний түүхий эд-мидлинг тээвэрлээд байгаа бөгөөд уг тээврийг “Монголын төмөр зам” ТӨХК-ийн 115 вагон, “Таван толгой төмөр зам” ХХК-ийн 100 вагоноор тээвэрлэлтийг зохион байгуулж байгаа аж.
Зүүнбаян өртөөнөөс Баян зөрлөг буюу Зүүн бүсийн сайжруулсан шахмал түлшний үйлдвэр хүртэлх тээвэрлэлтийг “УБТЗ” ХНН хатуу хуваарийн дагуу зохион байгуулж байна.
Эх сурвалж: “УБТЗ” ХНН
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
