"Гаднаас орж ирж буй валютыг бэлнээр гаргах, харилцах дансны хооронд гүйлгээ хийхэд шимтгэл авах зохицуулалт байхгүй"
12:24 2024/10/17
УИХ-ын ээлжит чуулганы өнөөдрийн хуралдаанаар Төрөөс мөнгөний бодлогын талаар 2025 онд баримтлах үндсэн чиглэлийг хэлэлцэж байна.
Энэ үеэр УИХ-ын гишүүн С.Замира "Монгол Улсад орж ирж буй валютыг хөрвүүлэхэд дөрвөн хувийн шимтгэл авч байгаа нь ямар учиртай вэ. Цаашдаа иймэрхүү байдалтай байвал хөрөнгө оруулалт манай улсад орж ирэх үү" хэмээн асуулаа.
Түүний асуултад Монголбанкны ерөнхийлөгч Б.Лхагвасүрэн "Гаднаас орж ирж буй валютыг бэлэн болгож гаргах, харилцах дансны хооронд гүйлгээ хийхэд шимтгэл авах зохицуулалт байхгүй.
Монголбанкнаас зохицуулалт хийж, шимтгэл авах хувь хэмжээ зааж оролцдоггүй. Энэ бол арилжааны банкны дотооддоо авч байгаа үйл ажиллагаа юм. Энэ асуудал олон яригдаж байгаа учраас Монголбанкнаас дэлгэрэнгүй судалгаа авъя.
Олон нийтэд буй ойлголтоор Монголбанк валютаас авах шимтгэлийг тогтоож өгсөн юм байна гэдэг. Гэтэл бидний зүгээс ямар нэгэн хувь хэмжээ тогтоож өгөөгүй" хэмээн хариуллаа.
10:14 2024/10/17
УИХ-ын намрын ээлжит чуулганы нэгдсэн хуралдаан Төрийн ордонд өнөөдөр болж байна.
Өнөөдрийн хуралдаанаар дараах асуудлуудыг хэлэлцэнэ. Үүнд:
- “Монгол Улсын Их Хурлын 2024 оны намрын ээлжит чуулганы төлөвлөгөөт хяналт шалгалтын цаглавар батлах тухай” Улсын Их Хурлын тогтоолын төсөл
- "Дэд хорооны бүрэлдэхүүний тухай” Улсын Их Хурлын тогтоолын төсөл
- “Төрөөс мөнгөний бодлогын талаар 2025 онд баримтлах үндсэн чиглэл батлах тухай” Улсын Их Хурлын тогтоолын төсөл /Монголбанк 2024.09.27-ны өдөр ирүүлсэн/
- “Монгол Улсын хөгжлийн 2025 оны төлөвлөгөө батлах тухай” Улсын Их Хурлын тогтоолын төсөл /Засгийн газар 2024.09.27-ны өдөр өргөн мэдүүлсэн, хоёр дахь хэлэлцүүлэг/
- Монгол Улсын 2025 оны төсвийн тухай, Үндэсний баялгийн сангийн 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай хуулийн төслүүд /Засгийн газар 2024.08.30-ны өдөр өргөн мэдүүлсэн, нэг дэх хэлэлцүүлэг, үргэлжилнэ/
ШУУД ҮЗЭХ:
12:24 2024/10/17
УИХ-ын ээлжит чуулганы өнөөдрийн хуралдаанаар Төрөөс мөнгөний бодлогын талаар 2025 онд баримтлах үндсэн чиглэлийг хэлэлцэж байна.
Энэ үеэр УИХ-ын гишүүн С.Замира "Монгол Улсад орж ирж буй валютыг хөрвүүлэхэд дөрвөн хувийн шимтгэл авч байгаа нь ямар учиртай вэ. Цаашдаа иймэрхүү байдалтай байвал хөрөнгө оруулалт манай улсад орж ирэх үү" хэмээн асуулаа.
Түүний асуултад Монголбанкны ерөнхийлөгч Б.Лхагвасүрэн "Гаднаас орж ирж буй валютыг бэлэн болгож гаргах, харилцах дансны хооронд гүйлгээ хийхэд шимтгэл авах зохицуулалт байхгүй.
Монголбанкнаас зохицуулалт хийж, шимтгэл авах хувь хэмжээ зааж оролцдоггүй. Энэ бол арилжааны банкны дотооддоо авч байгаа үйл ажиллагаа юм. Энэ асуудал олон яригдаж байгаа учраас Монголбанкнаас дэлгэрэнгүй судалгаа авъя.
Олон нийтэд буй ойлголтоор Монголбанк валютаас авах шимтгэлийг тогтоож өгсөн юм байна гэдэг. Гэтэл бидний зүгээс ямар нэгэн хувь хэмжээ тогтоож өгөөгүй" хэмээн хариуллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
