Олон нийтийн газарт бие зассан дөрвөн иргэнийг тус бүр 10,000 төгрөгөөр торгожээ
Цахим орчинд нэр бүхий хаягуудад энэ оны есдүгээр сарын 26-ны өдөр “Тасганы овооны урд замд ингэж зогсоод шээж байх юм...”, 10 дугаар сарын 06-ны өдөр “Энэ машинтай хэдэн залуучууд албан байгууллагын урд наана чинь шээж болдоггүй шүү гэсэн чинь дуугүй бай” гэх мэдээлэл тус бүр нийтлэгдсэн.
Цахим орчинд нийтлэгдсэн гэмт хэрэг, зөрчлийн шинжтэй мэдээллийн дагуу цагдаагийн байгууллагаас Чингэлтэй дүүргийн цагдаагийн газар мөн Хан-Уул дүүргийн цагдаагийн газруудад зөрчил шалган шийдвэрлэх ажиллагааг тус бүр явуулж, зөрчилд холбогдогч иргэн С, Б зэрэг нэр бүхий дөрвөн иргэний “Олон нийтийн газарт зүй бусаар биеэ авч явсан, гудамж талбайд бие зассан” үйлдэлд энэ оны 10 дугаар сарын 05, 10 дугаар сарын 07-ны өдрүүдэд Зөрчлийн тухай хуулийн 5.1 дүгээр зүйлийн 1 дэх хэсэгт зааснаар 10 нэгжээр торгох шийтгэл оногдуулж, шийдвэрлэсэн.
Эх сурвалж: ЦЕГ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
