ФОТО: Шинээр сонгогдсон НИТХ-ын 45 төлөөлөгчийн бүрэн эрхийг баталгаажуулав

Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн Иргэдийн Төлөөлөгчдийн Хурлын анхдугаар хуралдаан өнөөдөр боллоо.

Аймаг, нийслэл, сум, дүүргийн Иргэдийн төлөөлөгчдийн хурлын 2024 оны ээлжит сонгуулийг зохион байгуулсан Нийслэлийн сонгуулийн хорооноос шинээр сонгогдсон 45 төлөөлөгчийн бүрэн эрхийг баталгаажуулав. Ийнхүү шинэ төлөөлөгчид энгэрийн тэмдэг, батламжаа гардан авлаа.

Сонгуулийн дүнгээр МАН‑аас 40, АН-аас 5 төлөөлөгч сонгогдсон.

НИТХ-ын 45 төлөөлөгчөөс:

• 27 нь анх удаа,
• хоёр дахь удаа 13, 
• гурав дахь удаа 4,
• дөрөв дэх удаагаа сонгогдсон 1 төлөөлөгч байна. 

УИХ-ын гишүүнээр ажиллаж байсан 1 төлөөлөгч сонгогджээ.

НИТХ-ын төлөөлөгчдийн дундаж нас 40.8 бөгөөд 10 нь буюу 22.8 нь эмэгтэй. Хамгийн ахмад нь 49, хамгийн залуу нь 30 настай байна.

Нийт гишүүдийн:

• 18 буюу 40 хувь нь эрхзүйч,
• 10 буюу 22.2 хувь нь инженер,
• 7 буюу 15.5 хувь нь санхүү, эдийн засагч,
• 4 буюу 8.8 хувь нь бизнесийн удирдлага,
• 3 буюу 6.6 хувь нь улс төр судлаач,
• 2 буюу 4.4 хувь нь багш,
• 1 нь соёл урлагийн удирдлагын мэргэжилтэй.