"Yutong Bus" компанийн угсраа загвартай автобуснууд үйлчилгээнд явж эхэлжээ
Нийслэл хот нийтийн тээврийн 30 шинэ автобус авна гэж мэдээлж байсан. Эдгээр автобуснаас 20 ширхгийг БНХАУ-аас Улаанбаатарт авчирчээ.
Эх сурвалжаас тодруулснаар "Yutong Bus" компанийн урт, угсраа загвартай автобуснууд өнөөдрөөс М:1 Таван шар-Офицеруудын ордон чиглэлд үйлчилгээнд явж эхэлжээ. Үлдсэн 10 автобусыг дараагийн ээлжид татан авах юм байна.
Шинэ автобусуудыг М:1 Таван шар-Офицеруудын ордон, М:2 Зунжин худалдааны төв-МУБИС-Сүхбаатарын талбай, М:3 Архивын Ерөнхий Газар - 120 Мянгат - Сүхбаатарын талбай чиглэлд 10, 10-аар нь явуулна гэж мэдээлж байв.
Өнөөдрийн байдлаар нийтийн тээврийн 1,182 автобус иргэдэд үйлчилж байгаа аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
