ПАРИС 2024: Өнөөдөр пара таеквондоч Г.Болор-Эрдэнэ өрсөлдөнө

Паралимпын хоёр дахь өдөр пара таеквондогийн төрөлд эрэгтэйчүүдийн K-44 ангиллын 63 кг-ийн жинд Монгол Улсын гавьяат тамирчин Ганбатын Болор-Эрдэнэ өрсөлдөнө. 

Дэлхийн таван алт (2014, 2015, 2017, 2019, 2021), нэг хүрэлтэй (2023) Г.Болор-Эрдэнэ Токиогийн паралимпад шагналт долдугаар байр эзэлж байв. 

Манай тамирчин энэ удаагийн паралимпад эхний тойрогт хийлсэн. Улмаар Саудын Арабын Абдулла Аль Турайк, Доминиканы Жералдо Кастро хоёрын ялсантай нь орой Улаанбаатарын цагаар 20:25 цагаас шөвгийн наймд хүч үзнэ. 

Сонирхуулахад паралимпын эхний өдөр БНХАУ-ын баг таван медаль хүртсэний дөрөв нь алт байсан бол Их Британи, Итали, Нидерланд улс хоёр алт, Франц, Австрали, Бразил, Дани, Унгар, Израиль, Япон, МОНГОЛ, Перу, Польш, Сингапур улс алтан медаль хүртжээ.

Түүнчлэн 32 улс ямар нэгэн медаль зүүлээ.