Өнөөдөр 1-р хороолол орчимд агаар маш их бохирдолтой буюу агаарын чанарын индекс 500-г давсан байна

Гэрэл зургийг MPA агентлагийн онцгой зөвшөөрөлтэйгөөр ашиглав

Агаарын чанарын мэдээгээр нэгдүгээр сарын 2 буюу өнөөдрийн 10:58 цагийн байдлаар 1-р хороолол орчимд агаар маш их бохирдолтой буюу агаарын чанарын индекс 500-г давсан байна.

Стандартаараа хамгийн их бохирдол 500-аас их л гэж харагдах ба 500-аас их болсон тохиолдолд тоогоор харагдахгүй. 500-аас дээш болсон бол маш аюултай түвшинд хүрсэн байна гэсэн үг гэдгийг мэргэжилтнүүд сануулаад байгаа юм. 

Шархад орчимд маш их бохирдолтой буюу агаарын чанарын индекс 406 байгаа бол Толгойт, ТЭЦ-4 орчимд их бохирдолтой байна. 

Харин оны эхний өдөр буюу нэгдүгээр сарын 1-ний өдөр Мишээл экспо, Нисэх, 13-р хороолол, Зайсан, Ургах наран хороолол, Цахилгаан станц, Яармаг, Шархад, Баруун 4-н зам, 5-н буудал, 100-н айл, Зурагт, Налайх орчим бага бохирдолтой байжээ. 

Толгойт, Хайлааст, 1-р хороолол, Дамбадаржаа, Баянхошуу орчим бохирдолтой түвшинд байсан байна.